Qoqys óńdeý salasynda 316,9 mlrd teńgeniń 67 jobasy maquldandy

ASTANA. KAZINFORM – Elimizde qoqys óńdeý salasynda quny 316,9 mlrd teńge bolatyn 67 joba maquldandy. Bul týraly Ekologııa jáne tabıǵı resýrstar mınıstri Erlan Nysanbaev aıtty.

— Memleket basshysynyń iri qalalarda qoqys óńdeý zaýyttaryn salý jónindegi tapsyrmasyn iske asyrý úshin ýtıltólem esebinen jeńildetilgen qarjylandyrý mehanızmi bekitildi, jyldyq 3 protsentpen 15 jylǵa jáne eki jylǵa deıingi demalyspen nesıeler kózdelgen. Búgingi kúni mınıstrlik ákimdikter usynǵan quny 316,9 mlrd teńge bolatyn 67 jobany maquldady, onyń ishinde 43 joba qaıta óńdeýge baǵyttalǵan, — dedi ol.

Mınıstrdiń aıtýynsha, 67 jobanyń ishinde quny 47,3 mlrd teńge bolatyn 9 jobany Ónerkásipti damytý qory maquldady, onyń 6-aýy 4,1 mlrd teńgege qarjylandyryldy.

— 3 joba boıynsha ınvestorlardy qarjylandyrý úshin kelisimshart jasaqtalyp jatyr. Quny 39,9 mlrd teńge bolatyn 15 joba boıynsha Ónerkásipti damytý qory saraptamalardy aıaqtaý satysynda. Qalǵan 43 joba boıynsha ınvestorlar Ónerkásipti damytý qorynyń eskertýlerin pysyqtalyp jatyr, — dep túıdi sózin vedomstvo basshysy.

Aıta ketelik Premer-mınıstr Oljas Bektenov elimizde qaldyqtardy basqarý ınfraqurylymyn damytý máselesi sol kúıi tolyq sheshimin tappaǵanyn synǵa alǵan edi.