Kókirekbaev Tarazda Ýnıversıada-2017 Alaý estafetasyn júgirip ótti
ASTANA. QazAqparat - Búgin Taraz qalasynda 28-shi Búkilálemdik qysqy Ýnıversıadasynyń óńirlik Alaý estafetasy ótti, dep habarlaıdy oblystyq ákimdiktiń baspasóz qyzmeti.
Alaý estafetasyn Jambyl oblysynyń ákimi Kárim Kókirekbaev bastady.
Estafetanyń óńirlik kezeńiniń ótkizý baǵyty 12 shaqyrym bolyp bekitildi. Ol Taraz qalasyndaǵy joǵary oqý oryndaryn jáne qalanyń kórikti oryndaryn qamtıtyn bolady. («Kóne Taraz» arheologııalyq parki - TarMÝ - TIGÝ - TarMPI - QR Tuńǵysh Prezıdenti saıabaǵy - «Qazaq handyǵy» memorıaldy monýmenti - «Taraz-Arena» sport saraıy). 
Alaý estafetasynyń І kezeńi «Kóne Taraz» arheologııalyq parkinen bastalyp, QR Tuńǵysh Prezıdenti saıabaǵynda aıaqtaldy. «Kóne Taraz» kesheninde stýdentter fleshmoby, ejelgi qala týraly arnaıy fılm kórsetildi.
ІІ kezeńi QR Tuńǵysh Prezıdenti saıabaǵynan bastalyp, «Taraz-Arena» sport saraıynda aıaqtaldy.
Estafetaǵa Olımpıada júldegeri A.Tańatarov, «Qazaqstan Barysy» jáne «Barys Eýrazııa» B.Ystybaev, Qarýly Kúshterdiń sportshylary arasynda Azııa chempıony jáne álemdik bokstyń birneshe jeńimpazy O.Sáttibaev jáne basqa da ataqty sportshylar qatysty.
29 qańtar kúni Almaty qalasyna Jambyl oblysy atynan Ýnıversıada alaýyn jetkizetin bolyp qazaq kúresinen Álem chempıony, Halyqaralyq dárejedegi sport sheberi Dáýlet Pahredınov bekitildi.
