Qoqıqazdyń qaýyrsyny nege qyzǵylt bolady
ASTANA. KAZINFORM — Qoqıqazdy alystan-aq tanýǵa bolady. Uzyn aıaqtary, ıilgen moıny jáne qyzǵylt qaýyrsyny ony basqa qustardan birden ereksheleıdi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
— Bir qyzyǵy, qoqıqaz dúnıege kelgende qyzǵylt bolmaıdy. Onyń qaýyrsyny ýaqyt óte kele qoreginiń quramyndaǵy tabıǵı pıgmentterdiń áserinen qyzǵylt reńkke enedi, — dep túsindirdi mamandar.
Qoqıqazdar kóbine úlken top bolyp júredi.
Al ushqan kezde qanattaryndaǵy qara jáne qyzǵylt túster anyq kórinip, sýda júrgen sabyrly qus múlde basqa keıipke enedi.
Qoqıqaz Qazaqstannyń Qyzyl kitabyna engizilgen. Sondyqtan bul ásem qusty ǵana emes, ol mekendeıtin tabıǵı aýmaqtardy saqtaý da mańyzdy.
Budan buryn Qazaqstanda neshe qyzǵylt qoqıqaz bar ekenin jazǵanbyz.
