Qoqıqazdardy úıinde asyrap-baqqan aqtaýlyq bloger jazalana ma

Aqtaýlyq bloger Azamat Sársenbaev tobynan adasyp qalǵan qos qoqıqazdy úıinde baqqan, dep habarlaıdy Kazinform.

Bloger qoqıqazdardyń balapanyn Qarajanbas ken orny men Aqtaý portynan tapqan.

Ol qustardy úıinde ustap, teńiz ónimderimen baǵyp-qaqty. 

Azamat Qyzyl kitapqa engen bul qustardy úıinde uzaq ustaı almaıtynyn, alaıda quzyrly oryndardan eshkimniń habarlaspaǵanyn áleýmettik jelidegi paraqshasynda aıtqan.

Atalǵan jaǵdaı boıynsha aýmaqtyq orman sharýashylyǵy ınspektsııasynyń basshysy qustardy ornalastyrý boıynsha shara qabyldanyp jatqanyn jetkizdi.

— Inspektsııa mamandary qoqıqazdardy baryp kórdi. Tıisti akt jasady. Qustardyń jaǵdaıy birqalypty. Jaraqaty joq. Endi Almaty haıýanattar baǵyna tapsyrý jóninde kelisim jasaldy. Búgin qustardy alyp ketedi. Al olarǵa qamqorlyq jasaǵan erikti bul áreketi úshin jaýapkershilikke tartylady degen jalǵan aqparat, - dedi Ǵabbas Dosatov.