Kokaınniń 76 kapsýlasyn jutyp alǵan azamat ushaqqa otyrar sátte kóz jumdy
ASTANA. 30 qazan. QazAqparat -Kokaınniń 76 kapsýlasyn jutyp alyp, ótkizbekshi bolǵan Nıgerııa azamaty 28 qazan kúni marokkolyq Kasablanka qalasynyń áýejaıynda kóz jumdy.
Polıtsııanyń málimetterinshe, sheteldik azamattyń asqazany aýyryp, kútý zalynan asyǵys shyǵyp ketken.
47 jastaǵy nıgerııalyqtyń múrdesin áýejaıdyń kúzet qyzmeti tapty. Aýtopsııany ótkizý nátıjesinde onyń tasymaldap júrgen, ólimge soqtyrǵan júgi týraly belgili boldy.
Dárigerlerdiń pikirinshe, onyń ólimine kokaın kapsýlalarynyń jetkiliksiz bitelýi sebep boldy. Olar asqazannyń ishinde «balqyp», ishindegi zattyń tógilýine soqtyrǵan. Óz taýarynan ózi ýlanǵan qylmyskerdiń tulǵasy týraly eshteńe habarlanǵan joq. Onyń tek Marokkoǵa Katardan kelgeni, afrıkalyq Benın memleketine jol júrmekshi bolǵany ǵana belgili.
