Kokaın ıtter arqyly tasymaldanyp kelgen
ASTANA. 10 shilde. QazAqparat - Latyn Amerıkasynyń 50-ge jýyq esirtki saýdageri Italııaǵa kokaınnyń kontrabandasyn ótkizý úshin ıtterdi qoldandy dep aıyptalyp otyr.
Tártip saqshylarynyń aqparyna súıensek, Meksıka aýmaǵynda veterınarlar esirtki salynǵan oramalardy ıtterge tigip, keıin olar Mılanǵa jetkizilgen. Jasyrylǵan kokaındy alý úshin tórt aıaqtylardy múshelep baýyzdaǵan.
Esitrkini dittegen jerge tasymaldaýda ıttiń iri tuqymy kádege jaratylǵan. Olardyń árqaısysy taza kokaınnyń bir kelisinen artyǵyn tası alady. Sotta 49 adamnyń isi qaralýda. Olardyń ishinde Ekvadordyń, Perýdiń jáne Salvadordyń azamattary bar.
