«Kók-Jaılaý» jobasy qoǵam talqysyna qashan túsedi

ALMATY. QazAqparat - Almatyda daýly máselelerdiń biri - «Kók-Jaılaý» kýrortynyń qurylysyna qatysty qoǵamdyq talqylaý ótetin boldy, dep habarlaıdy QazAqparat tilshisi. 

Týrızm jáne syrtqy baılanys basqarmasynan habarlaǵandaı, 19 qazanda «Kók-Jaılaý» kýrortynyń qurylysyna qatysty qalyń kópshilik, qala azamattary men turǵyndarynyń oı-pikiri tyńdalatyn boldy. 

Tyńdalymda taý kýrorty nysanynyń tehnıkalyq-ekonomıkalyq negizdemesiniń qorshaǵan ortaǵa yqpaly baǵalanady. Talqylaýǵa «Almaty Mountain Resorts» JShS men «GeoData Plıýs» JShS ókilderi qatysady.

Jıyn tańǵy saǵat 10-da Alǵabas-1 shaǵyn aýdanyndaǵy 5-úıde ótedi. 

«Almaty Mountain Resorts» JShS basshysy Naıl Nurov atalǵan aqparatty rastady. Qoǵamdyq tyńdaýǵa kez-kelgen azamat qatysa alady. 
Ol úshin aldyn ala [phone] nómirine habarlasyp jazylý kerek.

«Qoǵamdyq tyńdaýdyń qorytyndysy retinde hattama toltyrylady. Oǵan qos taraptyń usynystary, mamandardyń pikiri jazylady. Ol pikirler sosyn memlekettik saraptamaǵa jiberiledi. Osyny eskere otyryp, «Kók-Jaılaý» kýrort keshenin salý kerektigi nemese kerek emestigi belgili bolady», - deıdi Naıl Nurov. 

Jobanyń qujattamasy myna jerde jarııalanǵan. Onymen kez-kelgen azamat tanysa alady.