Kók tútinniń saldarynan Máskeýdegi Germanııa elshiligi óz jumysyn shektedi
ASTANA. Tamyzdyń 10-y. QazAqparat - Germanııanyń Reseıdegi elshiligi óz jumysyna shekteý engizip otyr, dep habarlady elshiliktiń saıtyna silteme jasaǵan RBK agenttigi.
«Máskeýde qalyptasqan kúrdeli ekologııalyq jaǵdaıǵa baılanysty jumysymyz ýaqytsha shekteletin bolady. Bul shara vıza berý úderisine de qatysty bolýy yqtımal. Bul shara tamyzdyń 22-sine deıin saqtalady», delingen saıtta jarııalanǵan habarlamada.
Buǵan deıin, Máskeýdi basqan kók tútinniń AQSh elshiliginiń jumysyna da áser etkeni habarlanǵan bolatyn. AQSh-tyń dıplomatııalyq ókildigi aýanyń qatty lastanýyna jáne aptap ystyqqa baılanysty vıza berýge qatysty búginge belgilengen áńgimelesýdi keıinge aýystyrdy.
Esterińizge sala keteıik, buryn-sońdy bolmaǵan aptap ystyq pen kók tútin Máskeýdegi basqa da sheteldik elshilikterdi jumys kestelerine túzetý engizýge májbúrledi. Atap aıtqanda, Bolgarııa men Izraıl elshilikteri de óz jumystaryn shektep otyr.
