Kók Túriktiń urpaǵymyn - Qanat Islam týraly jańa rolık
ASTANA. QazAqparat - WBO NABO men WBA Inter-Continental belbeýleriniń ıegeri, qazaqstandyq boksshy Qanat Islam óziniń áleýmettik jelidegi paraqshasynda jańa rolıkti jarııalady, dep xabarlaıdy QazAqparat tilshisi.
Osy jolǵy vıdeoda Islam kók shapan jamylyp tur. Al onyń artynda kók aspanǵa ushqan qyran men el qorǵany bolǵan ata-babalarymyzdyń beınesi sheber úılestirilgen. Qanat judyryq sermep, boks tásilderine kiriskende arǵy jaǵynda áskerı shaıqastyń kórinisteri shyǵady. Osylaısha, avtorlar «Qazaqtyń» jeńiske degen umtylysyn sátti shyǵardy.
Kanat "QAZAQ" Islam 🥊professional boxer🇰🇿 25-0 (20 KO's) #1wba #3wbo #3ibf #kanatislam @wbcboxing @goldenboyboxing @wbcmoro @rivalboxinggear @boxingnewsonline @nelsonspromotions @boxing_planet @rbrboxing @hboboxing @trboxing
Aıta keteıik, jaqynda Búkilálemdik boks qaýymdastyǵy (WBA) Qanat Islam (25-0, 20 KO) men Djon Vera (18-0, 11 KO) arasynda jekpe-jek ótkizý týraly sheshim shyǵardy. Sebebi «Qazaq» WBA reıtıngisinde birinshi orynda, al Vera ekinshi orynda tur. Osy aıqastyń jeńimpazy birinshi orta salmaqtaǵy WBA Super ataǵynyń mindeti úmitkeri bola alady. Qazirgi kezde atalǵan tıtýldyń ıegeri - Erıslandı Lara.
