«Kók Tóbe» basshylyǵy: Aspaly joldaǵy uzyn kezekke adamdar ózderi kináli
ALMATY. QazAqparat - «Kók Tóbe» parkiniń basshylyǵy adamdardyń uzyn-sonar kezegine qatysty túsinikteme berdi, dep habarlaıdy QazAqparat tilshisi.
Kelýshilerdiń biri Instagram jelisinde jazba jarııalaǵan. Beınekadrda aspaly jolǵa kezekke turǵan adamdar ózara ursysyp jatyr.
«Shynymen kezek boldy. Biraq, demalys kúnderi ylǵı osylaı bolatynyn atap ótý kerek. Bul jerde bizdiń kinámiz joq. Bul kerisinshe, adamdardyń tarapynan bolady. Bir kabınkada 8 adam otyra alady. Árkim óziniń erip kelgen adamdarymen otyrǵysy keledi. Máselen 5 adam kelgen bolsa, olar qasyna basqa adam otyrǵyzǵysy kelmeıdi. Osynyń saldarynan adamdar esik aldynda jınalyp qalady», -dedi Ǵalııa Qalılaeva.
Sonymen qatar, park basshylyǵy budan da kóp týrıster kelgen jaǵdaıda másele oń sheshimin taýyp kelgenin aıtty.
«Qazir qoǵamda birnárse bola qalsa, vıdeoǵa túsirý sánge aınaldy. Nege bul aqparatty basynan bastap túsirmegen? Sonda bári túsinikti bolar edi»,- dedi Qalılaeva.
