Kók shaıdy jıi ishý obyrdan saqtaıdy
ASTANA. QazAqparat - Sıngapýrdyń bıoınjenerııa jáne nanotehnologııalar ýnıversıtetiniń mamandary kók shaıdyń obyr aýrýlaryna qarsy tura alatyn, sondaı-aq isikterdiń aldyn alýǵa kómektesetin kóptegen oń qasıetteriniń bar ekenin anyqtady.
Olardyń málimetterinshe, bul sýsynnyń quramynda onkologııalyq aýrýlardy emdeýge qatysty emdik qasıeti zat - kahetın bar. Ol myqty antıoksıdanttarǵa ıe polıfenoldy qosylystar bolyp tabylady. Bul - kók shaıdyń ýlandyrǵysh qasıeti eń az sýsyndar sanatyna jatqyzylýynyń sebebi.
Shaıdyń bir kesesinde polıfenoldyń 10-nan 40-qa deıin mıllıgramy bar. Sýsynnyń kúshti antıoksıdant bolyp tabylýy sebebimen ol erikti radıkaldardyń sanyn qysqartady. Bul obyr isiginiń paıda bolý múmkindigin derlik tolyq joıyp qana qoımaı, ol paıda bolǵan jaǵdaıda damýyn toqtatady.
Bul qorytyndylarmen Frantsııanyń ǵalymdary da kelisedi. Alǵan qorytyndylarǵa sáıkes, kók shaıdy turaqty negizde qabyldaý kerek. Bul týraly mamandardyń qolyna túsken sońǵy málimetter kýálandyrady - kók shaıdy ishken adamdardyń obyrǵa shaldyǵýdan bolǵan ólimder sany 24 paıyzǵa tómendegen, dep jazady «Dnı» portaly.
