Kók shaı organızmge zııandy - ǵalymdar
ASTANA. 28 qarasha. QazAqparat - Buryn aıtylyp júrgen kók shaıdyń paıdasy týraly pikirdi amerıkandyq jáne ıspandyq mamandar sońǵy ǵylymı izdenisteri arqyly joqqa shyǵaryp otyr.
Olar bir birine qatysty emes zertteý júrgize otyryp, bir ǵana qorytyndyǵa kelgen: eger kúnine eki keseden artyq ishse, kók shaı densaýlyqqa zııandy. Bul týraly Independent news saıty habarlady.
Mýrsı ýngıversıteti janyndaǵy Djon Innes ortalyǵynyń (Ispanııa) sarapshylary kók shaı V9 vıtamınin (folı qyshqyly dep te ataıdy) sińirýge múmkindik bermeıdi, dep sanaıdy. Folı qyshqyly ekiqabat kezde ishtegi balany týa bitti keselderden qorǵaýda úlken ról atqaratyny málim.
Amerıkandyq Nıý-Djersı ýnıversıtetiniń zertteýshileri ıspandyq áriptesteriniń ýájin qoldaı otyryp, kók shaıdyń baýyrǵa da zııany kóp degen pikirin aıtýda.
