Kohlearly ımplanttyń estý apparatynan aıyrmashylyǵy qandaı

ASTANA. QazAqparat – Otandyq ǵalymdardyń qorjyny taǵy bir ǵylymı jańalyqpen tolyqty. Qazaqstanda teńdesi joq biregeı ádistemeni ShQO memlekettik ýnıversıtetiniń «Dana Bala» úzdiksiz jáne ınklıýzıvti bilim ortalyǵynyń joǵary bilikti logoped-defektology Raýan Baıchınov ázirledi. Osy oraıda QazAqparat tilshisi kohlearly ımplanttyń ne ekenin jáne onyń estý apparatynan aıyrmashylyǵyna úńilip kórgen edi.

Estý qabiletinen aırylǵan jandarǵa arnaıy apparat kómekke keledi. Degenmen apparat únemi tıimdi bola bermeıdi.

Osyndaı jaǵdaıda patsıentter kohlearly ımplantatsııaǵa júginedi. Bul qural estý qabiletin qalpyna keltirýge baǵyttalǵan.

Kohlearly ımplant - estý júıkesine tikeleı áser etetin jáne estý qabiletin qalyptastyrýǵa múmkindik beretin medıtsınalyq protez.

Ol ártúrli jastaǵy naýqastarǵa arnalǵan. Kohlearly ımplant pen estý apparatyn salystyryp, qaısysy jaqsy degen saýal jıi qoıylady.

Aıta ketsek, estý apparaty tek dybysty kúsheıtedi jáne estýdiń turaqtylyǵyn qamtıdy.

Estý apparatynyń sensorlyq nemese neırosensorlyq bolyp bólinedi. Al kohlearly ımplant ekijaqty estý qabiletiniń joǵalýy nemese aýyr dárejeli sańyraýlarǵa arnalǵan.

Implant - sańyraý nemese estý qabileti nashar jandarǵa estý qabiletin qalpyna keltirýge múmkindik beretin mınıatıýralyq elektrondy qurylǵy.

Implant aqparatty elektrlik sıgnaldarǵa túrlendiredi jáne olardy elektrodtarǵa jiberedi.

Árbir elektrod joǵary jáne tómen jıilik dıapazonynyń belgili bir tonýsyna sáıkes keledi. Sodan keıin estý júıkesine elektrlik ımpýlstardy jetkizedi.

Osylaısha, shash jasýshalarynyń qyzmeti oryndalady. Odan ári estý júıkesi aqparatty mıǵa jetkizedi.

Implantatsııadan keıin naýqas birden estıdi degen qate pikir. Nátıjege qol jetkizý úshin operatsııadan keıin uzaq ońaltý qajet.

Onyń barysynda patsıenttiń ımplantqa beıimdelýi jáne tyńdaýǵa úırený protsesi júredi.

Dárigerlerdiń aıtýynsha, operatsııa 1-2 saǵatqa, al ońaltý 9-12 aıǵa sozylady. Bul patsıenttiń osy sıgnaldardy qalaı tez qoldanýdy úırenýine baılanysty. Estý qabiletiniń qalpyna kelýi operatsııanyń sátti ótýine jáne 50% ońaltý kezeńine baılanysty.

Aıta keteıik, kúni keshe qazaqstandyq ǵalym estý qabileti nashar balalardyń tilin shyǵaratyn ádisteme jasap shyǵardy.

Qazaqstanda teńdesi joq erekshe ádistemeni ShQO memlekettik ýnıversıteti «Dana bala» úzdiksiz jáne ınklıýzıvti bilim berý ortalyǵynyń joǵary bilikti logoped-defektology Raýan Baıchınov ázirledi.

Foto: shutterstock.com