Kohlearly ımplantatsııa boıynsha kórneki operatsııalar ótkiziletin bolady
ASTANA. Qazannyń 22-si. QazAqparat - 2010 jylǵy qazannyń 19-y men 23-i aralyǵynda «Ana men bala ulttyq ǵylymı ortalyǵy» AQ bazasynda «Pedıatrııadaǵy kohlearlyq ımplantatsııa» atty master-klass ótkizilýde. Qazaqstandyq mamandarǵa arnalǵan master-klassty Insbrýk qalasyndaǵy (Avstrııa) Medıtsına ýnıversıtetiniń professory Georg Shprıntsıl ótkizedi.
5 kúndik master-klass barysynda Qazaqstannyń barlyq aýmaqtarynyń otorınolarıngologtaryna arnalǵan kohlearly ımplantatsııa boıynsha kórneki operatsııalar ótkiziletin bolady, dep habarlaıdy Ulttyq medıtsınalyq holdıngtiń baspasóz qyzmeti.
Qazaqstanda sońǵy jyldary balalyq shaqta qulaqta patologııasy bar balalardyń sany arta tústi, munysy múgedek bolýǵa jáne edáýir áleýmettik-ekonomıkalyq problemalarǵa ákep soqtyrady. Medıko-áleýmettik saraptaý komıssııasynyń derekterine júginsek, tek Astana men Aqmola oblysynda 150-den astam bala estý qabiletinen aıyrylyp, 500-den astam eresekter tirkeýge alynyp, múgedektik boıynsha járdemaqy alýda. Respýblıka boıynsha osy derekter edáýir arta túsedi jáne shuǵyl sheshim shyǵarýdy talap etedi. Barsha álem boıynsha osy problemalar, estý kohlearlyq, dińgekti ımplanttardy, súıektik Baha apparattaryn oılap tabý jáne olardy medıtsınalyq praktıkaǵa engizýde óz sheshimin tapty.
Qazirgi tańda Qazaqstanda kohlearly ımplantanttar Almaty qalasynyń «Aqsaı» Respýblıkalyq balalar klınıkalyq aýrýhanasynda ǵana qoldanylady. QR boıynsha sheteldik mamandardyń tartylýymen barlyǵy 70-ke jýyq ımplanttar jasaldy. Eki arada barsha respýblıka boıynsha ımplanttarǵa kezekte turǵan balalardyń sany 400-den asyp tur.
Astana qalasynda 2010 jyldyń shilde aıynda aldyńǵy qatarly sheteldik klınıkalarda oqýdan ótken jáne tıisti sertıfıkattary bar Ulttyq medıtsınalyq holdıngtiń mamandary alǵash ret kohlearly ımplantatpen eresek patsıentke operatsııa jasady.
Qazaqstan Respýblıkasynda jasalatyn estý qabiletin qalypqa keltirý operatsııalardyń sany jetkiliksiz jáne de tolyq kólemde jasalmaıtyndyǵynan, osy zamanǵa saı qajetti jabdyǵy bar respýblıkalyq ortalyqtarda ımplantatsııalardyń sanyn kóbeıtý qajettiligi týyndady.
