Kogýre dáýirindegi altyn mór rekordtyq baǵaǵa satyldy
ASTANA. KAZINFORM – Gonkongtaǵy aýktsıonda ejelgi Kogýre patshalyǵynyń altyn móri 1,39 mıllıon dollarǵa satyldy. Bul bastapqy baǵadan toǵyz ese joǵary ári tarıhı jádigerler arasynda rekordtyq kórsetkish, dep jazady UzA agenttigi.
Mórdiń bıiktigi – 2,8 sm, salmaǵy – 88 gramm. Jylqy pishininde jasalǵan. Málimetter boıynsha, bul mór Qytaıdyń Tszın áýleti tarapynan Kogýre patshalyǵyna dıplomatııalyq syılyq retinde berilgen bolýy múmkin.
Bul mórdiń Kogýremen baılanysty alǵashqy belgili mór retinde tarıhı mańyzy bar. Eger ol shynaıy bolsa, Koreıa men Qytaı arasyndaǵy ejelgi qarym-qatynastar týraly mańyzdy aqparat bere alady.
Koreı tarıhshylary mórge qatysty tereń ǵylymı zertteýler júrgizýdi qoldaıdy. Biraq mór koreıalyq emes jeke kollektsıonerdiń qolyna túsip ketkendikten, bul múmkindikten aıyryldy, deıdi mamandar.
«Tıtanıktegi» myńǵa jýyq jolaýshyny qutqarǵan kapıtannyń saǵaty rekordtyq baǵaǵa satylǵanyn jazǵan edik.