«Kógershinder de qaýipti» - baspasózge sholý
***
Búgin respýblıkalyq «Egemen Qazaqstan» gazetinde jurtshylyq asyǵa kútken bilim berý granttary ıeleriniń tizimi jarııalanyp otyr. Ony basylymnyń 6-32 betterinen oqı alasyzdar.
Ulttyq bas gazettiń búgingi sanynda condaı-aq Prezıdent Nursultan Nazarbaevtyń bes ınstıtýttyq reformasyn júzege asyrýdyń «100 naqty qadamy» - Ult josparyna toptama materıaldar berilgen.
«Maqtanyń otany - Ońtústik dep jatamyz. Sol úshin óńirimizde toqyma klasterin qalyptastyrdyq. Alaıda, nege bazarlarda bizdiń fabrıkalarda tigilgen kıimder joq? Saýda qatarlarynda kórshi Qytaı men Qyrǵyzstannan ákelingen taýarlar qaptap tur. Toqyma salasyn kóteremiz degenimizge qansha ýaqyt boldy. Ne sebepti jaǵdaı ózgermeı tur?», - degen saýaldy basylym osy salada birazdan beri ter tógip júrgen belgili kásipker, «Gaýhar» tigin fabrıkasy» JShS dırektory Ánıpa Halbaevaǵa qoıǵan.
- Shyndyǵyn aıtaıyn, toqyma ónerkásibiniń damýy óńirimizde kenjelep qaldy, - deıdi kásipker. - Biraq salany órkendetýge basshylyq tarapy barynsha kúsh salyp jatyr... Buryn keremet fabrıkalarymyz bolatyn. Onda tigilgen kıimder tipti shetelge eksportqa shyǵarylatyn. Mysaly, «Voshod» farıkasynyń kostıým-shalbary Shymkenttiń brendi edi. Ras, qazir jańadan ashylǵan fabrıkalar barshylyq. Alaıda, shyǵaryp jatqan ónimderdi esh jerde kórmeımiz. Taǵy bir kemshiligimiz, tigin fabrıkalary da bir-birimen ózara baılanysta jumys istemeıdi. Tájirıbe almasý degen joq. Sodan keıin moıyndaý kerek, búgingi tańda halyqqa arnap kıim tigin jatqan fabrıka joqtyń qasy. Bári memlekettik tapsyrysta otyrǵandar» dep, maman jeńil ónerkásip salasynyń birqatar qordalanǵan máselelerin sóz etip, ony sheshý joldaryna da toqtalady. Bul maqala «Otandyq toqyma ónimderi básekege qabiletti me?» degen takqyryppen jarııalanǵan.
***
«Búkil álemde «jer jannatyna» balanatyn tylsym ári tamasha tabıǵatty jerler mıllıondaǵan týrısterdi tartyp, memleketter qazynasyna mıllıardtaǵan kiris quıady. Al Qazaqstanda tabıǵı qoryqtar men saıabaqtardyq basym kópshiligi ózderine memleket jumsaıtyn shyǵyndardy da aqtamaıdy. Sonyń bir sebebin Qarjy mınıstrliginiń Memlekettik kirister komıteti anyqtaǵanǵa uqsaıdy. Bul qurylym birqatar tabıǵat qorǵaý uıymdarynyń qyzmetine revızııa júrgizip shyqty», - dep jazady «Aıqyn» gazeti búgingi sanyndaǵy «Ýatsapp» arqyly zańdylyqty baqylaıdy» atty maqalasynda.
Osy basylymda «Kógershinder de qaýipti» degen maqala jarııalandy. Perý astanasy Lımada basshylary kóshedegi kógershinderdi tamaqtandyrýǵa tyıym salypty. Zańdy buzǵandar 120 AQSh dollary kóleminde aıppul tóleıdi. Zańdy ekinshi ret buzǵandar budan eki ese kóp shyǵynǵa batady. Qala bıliginiń mundaı sharaǵa barýyna ne sebep bolǵanyn sizder de bilgilerińiz keletini anyq. Shaharda kógershinderdiń kóptigi problemaǵa aınalypty. 30 myńnan asatyn qustyń kúndelikti tirshiligi - tamaq tabý ǵana emes, baıqamasańyz, basyńyzǵa da dáret syndyrady. Al eń bastysy - aýrý taratady.
***
«Ekspress-K» gazetiniń búgingi sanynda « Delo o serjantskom pogone » atty materıal berilgen. 6 shildede Kókshetaýda «Ásker» avtopatrýli eki er adam arasyndaǵy kıkiljiń oryn alǵan jerge shaqyrtýmen barady. Tártip saqshylary jeke úıdiń mańyna jetken kezde, sol jerdegi kólikterdiń biriniń jolaýshysy polıtsııa serjantymen kerisip qalyp, onyń pogonyn julyp alǵan eken. Polıtseıler atalǵan azamatty áreń toqtatqan kórinedi. Keıinnen bul adam Kókshetaýdaǵy mamandandyrylǵan ákimshilik sottyń sýdıasy 32 jasar Almaz Alpysbaev ekeni belgili boldy. ІІD atalǵan is boıynsha materıaldardy jınap, ony oblystyq prokýratýraǵa jiberdi.
