Qoǵamymyzdaǵy otbasylardyń 15 paıyzynda belsizdik beleń alyp otyr
ALMATY. 2 qarasha. QazAqparat /Erbol Turymbetov/ - Qazaqstan qoǵamyndaǵy otbasylardyń 15 paıyzynda belsizdik beleń alǵan. Bul týraly búgin Almaty ótken baspasóz máslıhtynda Almaty memlekettik dárigerlerdiń bilimin jetildirý ınstıtýty Ýrologııa jáne andrologııa kafedrasynyń meńgerýshisi Bolat Shalekenov baspasóz máslıhatynda aıtty.
«Qoǵamymyzdaǵy otbasylardyń 15 paıyzynda belsizdik beleń alǵan. Onyń teń jartysy erkekter bolyp otyr. Bul oraıda olardyń protsedýralyq tekserýden ótip turýlary qajet. Ol úshin árbir erkekke 22 myń teńge bolsa, áıelderge odan da kóp qarjy qajet bolady. Sondyqtan osy qarjy máselesin sheshýge memleketten qarjy bólinip jatyr», - deıdi B. Shalekenov.
Ýrologııa ǵylymı ortalyǵynyń andrologııa bólimshesiniń meńgerýshisi Temirlan Qusaıynovtyń málimdeýinshe, erkekterdiń reprodýktıvtik júıesine qatysty 24 myńnan astam erkekti tekserýden ótkizip, zerteýler júrgizgen. Nátıjesinde, árbir ekinshiniń jynystyq qatynastarda qıynshylyqtary bar, al árbir úshinshiniń qazirgi jaǵdaıda uryqtandyrýǵa qabiletsizdigi anyqtalǵan. Sonymen birge, tekserilgenderdiń jartysy ınfektsııalyq sıpattaǵy aýrýlar arqyly qıyn jaǵdaılarǵa tap bolatyndyqtary belgili bolǵan.
Qatysýshylardyń aıtýynsha, buryn tek áıelderge arnalǵan konsýltatsııalyq ortalyqtar bolyp kelse, aldaǵy ýaqytta erlerdiń de ortalyǵy jumys isteıdi. Sondaı-aq, Almatyda erlerdiń jynystyq jáne reprodýktıvtik densaýlyǵyn qorǵaý respýblıkalyq ortalyǵy ashylady dep josparlanyp otyr.
Baspasóz máslıhatyn Salaýatty ómir saltyn qalyptastyrý problemalary Ulttyq Ortalyǵy uıymdastyrdy. Oǵan ortalyq dırektory Sáýle Dıqanbaevamen birge, birqatar medıtsına salasynyń mamandary qatysty.
Jıynda qoǵamymyzdaǵy erlerdiń reprodýktıvtik júıesiniń jaı-kúıine qatysty ózekti máselelerge qatysty suraqtarǵa jaýap berildi.
