«Qoǵamnyń rýhanı negizi myqty bolmasa, ekonomıka osaldyq tanyta beredi» - respýblıkalyq basylymdarǵa sholý

ASTANA. 4 tamyz shilde. QazAqparat - Qazaq aqparat agenttigi 4 tamyz, beısenbi kúni respýblıkalyq basylymdarda shyqqan ózekti materıaldarǵa sholýdy usynady.

***

Keshe Memleket basshysy Nursultan Nazarbaev jumys saparymen elimizdiń óndiris oshaǵy Pavlodar oblysyna keldi. Osyǵan oraı «Egemen Qazaqstan» gazetinde «Óndiristi óńirdiń erteńi kemel» degen taqyryppen kólemdi maqala jarııalandy. Basylymnyń atap ótýinshe, Elbasy Pavlodar oblysyn­daǵy jumys saparynyń alǵashqy kúni Aqsý qalasyndaǵy «Eýra­zııa­lyq energetıkalyq korporatsııa» AQ-tyń Aqsý jylý elektr stansasynda bolyp, jaqynda paı­dalanýǵa berilgen №2 ener­go­bloktyń jumysymen tanysty. Memleket basshysynyń Pavlodar óńirindegi jumys sapary jaıynda gazettiń búgingi sanyna oqyńyzdar.

«Túrik Respýblıkasyna resmı saparmen kelgen Qazaqstan Respýblıkasynyń Syrtqy ister mınıstri Erjan Qazyhanov keshe Ankarada birqatar eki­jaq­ty kezdesýler ótkizdi», - dep jazady «Egemen Qazaqstan» gazeti «Baýyrlastyqtyń tamyry tereńde jatyr» degen taqyryppen jarııalanǵan maqalasynda. Basylymnyń atap ótýinshe, E. Qazyhanovtyń Túrkııanyń Syrtqy ister mınıstri Ahmed Daýytoǵlymen kezdesýiniń nátıjesinde ekijaqty qujattar - Qazaqstan men Túrkııa syrtqy ister mınıstrlikteri ara­syn­daǵy dıplomatııa salasynda kadrlardy daıarlaý jáne biliktilikti arttyrý týraly memorandýmǵa jáne Qazaqstan Respýblı­kasy men Túrik Respýblıkasy syrt­qy ister mınıstrlikteri ara­syn­daǵy 2012-2013 jyldarǵa ar­nalǵan yntymaqtastyq baǵdarlamasyna qol qoıyldy.

***

Táýelsiz Memleketimizdiń bas­shy­sy N.Nazarbaevtyń jyl saıynǵy Jol­daýynda básekege qa­bilettilik kórset­kishi - bilim men ǵylym salasyna basa mán be­rilip keledi. Bıylǵy Joldaýyn­da Elbasy mektepke deıingi meke­meler jeli­sin keńeıtýdi basym baǵyttardyń biri retinde belgile­di. Úkimetke ákim­der­men birlesip ústi­mizdegi jyly «Balapan» baǵdarlamasyn ázir­lep, iske asyrýdy júktegen bola­tyn. Búgingi tańda qurylys qar­qyny áleýetti Aty­raý óńirinde «Balapan» baǵdar­lamasy aıasynda mektepke deıingi balalardy bala­baqshalarmen qamtý máselesi qalaı júrgizilip kele jatqanyn bilgińiz kelse, «Aıqyn» gazetiniń búgingi sanyndaǵy «Balapan» baǵdarlamasy júzege asyp keledi» degen maqalaǵa kóz salyńyz.

«Búginde baspana halyqtyń bas aýrýyna aınalyp otyr. Úkimet halyqty qoljetimdi turǵyn úımen qamtamasyz etýdiń túrli joldaryn, tyǵyryqtan shyǵýdyń amaldaryn qarastyrýmen keledi. Biraq túıini qatty másele tóńiregindegi daý-damaı bir tolastamaı tur. Jýyrda ıpotekalyq nesıe arqyly úı alǵandar óz narazylyqtaryn alǵa tartyp, qaıta tóbe kórsetti. Osyǵan oraı, Almatyda «Samuryq-Qazyna» ulttyq ál-aýqat qory» AQ ókilderiniń qatysýymen baspasóz máslıhaty ótti», - dep jazady «Aıqyn» gazeti. Baspasóz máslıhaty barysynda kóterilgen máseleler jaıynda «Taǵy da boryshkerler máselesi sóz boldy» degen maqaladan egjeı-tegjeıli maǵlumat alasyzdar.

***

«Alash aınasy» gazetiniń beısenbilik sanynda «Mýaı-taıshylarymyz mereıimizdi asyrdy» degen taqyryppen jaryq kórgen maqalada sporttyń osy túrin janyna serik etken qazaqstandyq sportshylardyń Latvııanyń Lıepaıa qalasynda ótken Eýropa kýbogynan mol oljamen oralǵandyǵy keńinen baıandalǵan. «Baltyq jaǵalaýy elinde ótken dúbirli dodaǵa 11 sportshymyz attanyp, sonyń 10-y qorjynymyzǵa medal saldy. Onyń ishinde jeteýi altynnan alqa taǵynyp, elimizdiń ánuranyn shyrqatty»,- dep jazady basylym.

Osy basylymnyń turaqty «Dat!» aıdarynda QR Parlamenti májilisiniń depýtaty, ekonomıka ǵylymynyń doktory, professor, akademık Kenjeǵalı Saǵadıevpen aradaǵy suhbat «Qoǵamnyń rýhanı negizi myqty bolmasa, ekonomıka osaldyq tanyta beredi» degen taqyryppen berilgen. Basylym tilshisiniń barlyq saýaldaryna egjeı-tegjeıli jaýap bergen halyq qalaýlysy: «Ulttyq baılyqtyń jan basyna shaqqandaǵy kólemi jóninen biz kóptegen elden áli tym arta kelemiz. Mysaly, osy kórsetkish damyǵan el - Sıngapýrda 30 myń dollar shamasynda bolsa, aldyńǵy qatarly elderge jaqyn Vengrııada 14 myń dollardan asady. ıAǵnı bizdiń adam basyna shaqqandaǵy tabysymyz osy elderden bes-on ese tómen», - deıdi.

***

«Keshe Premer-Mınıstri Kárim Másimov Qarjy mınıstrligi Kedendik baqylaý komıtetinde kóshpeli keńes ótkizip, 2011 jyldyń 7 aıyndaǵy keden organdary qyzmetiniń qorytyndysymen tanysty», - dep jazady «Kazahstanskaıa pravda» gazeti. Basylymnyń atap ótýinshe, keden organdarynyń 2011 jyldyń 7 aıyndaǵy qyzmetiniń nátıjeleri týraly vedomstvo tóraǵasy Serik Baımaǵanbetov baıandady. Keńeste 2008-2012 jyldarǵa arnalǵan QR keden qyzmetin damytý Jobasyn iske asyrý, Keden odaǵyna qatysýshy memleketter keden organdarynyń ózara is-qımyl máseleleri, sondaı-aq Elektrondyq deklaratsııalaý baǵdarlamasynyń oryndalý barysy qaraldy.