Qoǵamnyń bılikke senimin arttyrý máselesi óte ózekti - Saýytbek Ábdirahmanov
«Parlament Májilisinde Qazaqstan halqy Assambleıasynyń depýtattyq toby qurylǵan. Ol osyndaı eleýli, mańyzdy máseleler boıynsha otyrystardy ótkizip otyrady. Búgingi ótkizip otyrǵan otyrysymyzdyń taqyryby - el Prezıdenti Qasym-Jomart Toqaevtyń saılaýaldy baǵdarlamasynan týyndaıtyn bizdiń depýtattyq toptyń mindetteri. Assambleıa tóraǵasynyń orynbasary Janseıit Túımebaevtyń baıandamasy, shyǵyp sóılegen depýtattardyń sózderi, tıisti mınıstrlikterden kelgen ókilderge qoıylǵan suraqtar depýtattyq toptyń músheleri jaýapkershilikti sergek sezinetinin kórsetip otyr», - dedi Saýytbek Ábdirahmanov.
Májilis depýtaty qazirgi tańda elimizdiń aldynda jańa saıası kezeń kútip turǵanyn atap ótti.
«Kóp dúnıe ózgeredi, qoǵamda ádilet burynǵydan arta túsedi dep kútip otyrmyz. Onyń naqty joldary - qoǵamnyń bılikke senimin arttyrý máselesi óte kókeıkesti bolyp tur. Osylar jóninde janashyrlyqpen áńgime aıtyldy. Osynaý talqy óziniń naqty nátıjesin beredi dep oılaımyz», - dedi Saýytbek Ábdirahmanov.
Aıta ketsek, Parlament Májilisinde «QHA-nyń Májilistegi depýtattyq tobynyń Q.K.Toqaevtyń saılaýaldy baǵdarlamasynan jáne QR-nyń saılanǵan Prezıdenti qyzmetine resmı kirisý rásiminde sóılegen sózinen týyndaıtyn mindetteri týraly» taqyrybynda otyrys ótip jatyr. Otyrysqa májilismender, QR Prezıdenti Ákimshiliginiń jaýapty qyzmetkerleri, mınıstrlikter ókilderi, memlekettik uıymdardyń qyzmetkerleri, BAQ ókilderi qatysýda.
