Qoǵamnyń áleýmettik jaýapkershiligi birinshi kezekte balalarǵa qatysty bolýy kerek - QR BǴM jaýapty hatshysy

ASTANA. QazAqparat - Qoǵamnyń áleýmettik jaýapkershiligi birinshi kezekte óskeleń urpaqqa qatysty bolýy kerek. Bul týraly búgin «QR Konstıtýtsııasy 20 jyl balalardyń quqyǵy men densaýlyǵyn qorǵaýda» atty respýblıkalyq konferentsııada QR Bilim jáne ǵylym mınıstrliginiń jaýapty hatshysy Álııa Ǵalymova málim etti.

«Balalar quqyǵy men zańdy múddelerin qorǵaý, óskeleń urpaqtyń densaýlyǵyn kúsheıtý, bilim alý úshin jaǵdaı jasaý, otbasylyq-neke qatynastary salasynda zańnamany jetildirý, balalar tárbıesinde jaýapkershilikti jetildirý bizdiń memlekettiń jáne Elbasynyń áleýmettik negizdelgen saıasatynyń basymdyqty baǵyty bolyp tabylady»,-dedi jaýapty hatshy.

Osy oraıda ol ótken jyly otbasy, ana men balany qorǵaý máselelerine baılanysty «Mereıli otbasy» baıqaýynyń elimizde ótýi otbasylyq qundylyqtardy nasıhattaýdyń mańyzdy tetigi ekenin atap ótti.

Á. Ǵalymovanyń paıymynsha, qoǵamnyń áleýmettik jaýapkershiligi birinshi kezekte óskeleń urpaqqa qatysty bolýy kerek.