Qoǵamǵa saılaýdan góri naqty áleýmettik bastamalar mańyzdy- sarapshy
ASTANA. QazAqparat - «Qazaqstannyń kelesi Prezıdenti kim bolady?» degen suraqqa Halyq 2020 jyldyń jeltoqsanynyń alǵashqy jeksenbisinde jaýap beredi. «Bolashaq» respýblıkalyq qozǵalysynyń jáne «Jastar úni» jastar qoǵamdyq birlestiginiń tóraǵasy Dáýren Babamuratov Prezıdenttiń búgingi málimdemesine qatysty osylaı pikir bildirdi, dep habarlaıdy QazAqparat.
«Kóp áńgimege osylaı núkte qoıyldy. Keshe keshke Elbasynyń Konstıtýtsııalyq Keńeske joldanǵan suraýynan keıin «saıasatolog» mamandar tus-tustan túrli boljamdarǵa erik bergen edi (ásirese kórshi elderden). Búgin núkte qoıyldy. Qazaqstannyń kelesi Prezıdenti kim bolady degen suraqqa halyq 2020 jyldyń jeltoqsanynyń alǵashqy jeksenbisinde jaýap beredi», - deıdi Dáýren Babamuratov óziniń feısbýktegi paraqshasynda.
Sarapshynyń aıtýynsha, dál qazir qoǵamǵa, saılaýdan góri naqty áleýmettik bastamalar barynsha mańyzdy.
«Byltyr jáne bıyl Prezıdentpen josparlanǵan birqatar táp-táýir áleýmettik jobalar josparǵa sáıkes oryndalsa, halyqqa saıası naýqanǵa qaraǵanda sózsiz sol ıgi edi», - deıdi ol.
Eske sala ketsek, buǵan deıin QR Prezıdenti Nursultan Nazarbaev elimizdiń Konstıtýtsııalyq Keńesine júginý sebebin túsindirgenin habarlaǵan bolatynbyz.
