Qoǵamǵa qıynshylyq týdyrmaǵanymyz abzal - Ilıa Jaqanov
NUR-SULTAN. QazAqparat – Qoǵamǵa qıynshylyq týdyrmaǵanymyz abzal. Mundaı pikirdi jazýshy, kompozıtor, Qazaqstan men Qyrǵyzstannyń eńbek sińirgen qaıratkeri Ilıa Jaqanov bildirdi, dep habarlaıdy «QazAqparat» tilshisi.
«Álemdi qaltyratyp, kúızelis ákelgen indet keń baıtaq Qazaqstan jerin jaılap otyrǵan ardaqty jurtymyzdy aýyr jaǵdaıǵa dýshar etti. Osy jyly qanshama adamdardan aıyryldyq. Onyń barlyǵy shyndyq. Sol indettiń ilmegine ilingenderdiń biri men edim. Dárigerlerdiń kúni-túni sabylǵan qııamet eńbeginiń arqasynda aman qaldyq. Sondyqtan el-jurt saqtyq tanytyp, densaýlyqtyń qadirin sanaly túrde túsinip, qoǵamǵa qıynshylyq týdyrmaǵanymyz abzal. Ásirese, dárigerler usynǵan keńesterdi qaperde ustaý qajet. Basymynan ótkesin onyń aýyrtpashylyǵyn tolyq túsinemin. Qara tobyr bolyp ár jerde bir túkke qajeti joq jınalys ótkizýden aýlaq bolaıyq», - dedi Ilıa Jaqanov.
Sonymen qatar, jazýshy indetpen kúres jolyna jumyldyrylǵan dárigerler qaýmyna alǵysyn bildirip, Qazaqstan halqyn Jańa jyl merekesimen quttyqtady.
