Qoǵamǵa qaýipti, psıhıkasynyń aýytqýy bar adamdar májbúrli túrde emdelýge beriledi - Parlament
ASTANA. 31 qazan. QazAqparat - Búgin spıker Qasym-Jomart Toqaevtyń tóraǵalyǵymen ótken Parlament Senatynyń jalpy otyrysynda palata depýtattary «Psıhıkasynyń buzylýynan zardap shegetin adamdardy májbúrlep emdeý júrgizý úshin berý týraly konventsııany ratıfıkatsııalaý týraly» zańyn qabyldady.
Qujatqa sáıkes, Konventsııaǵa qatysýshy memleketterdiń biriniń esi durys emes kúıde qoǵamǵa qaýipti áreket jasaǵan azamattardy, sonymen qatar, ýaǵdalasýshy taraptyń aýmaǵynda medıtsınalyq sıpattaǵy májbúrleý sharalaryn qoldaný týraly sot sheshimi bar azamattardy emdeýden ótkizý kózdeledi. Sonymen birge, medıtsınalyq sıpattaǵy májbúrleý sharalaryn qoldaný týraly sot sheshimi zańdy kúshine engende, eger ol óz oıyn erkin bildirýge qabiletsiz bolǵan jaǵdaıda onyń zańdy ókiliniń kelisimi alynǵan adamdardy májbúrlep ótkizý úshin emdeýge berý qarastyrylady. Bul rette konventsııa adamdardy májbúrlep emdeýden ótkizý úshin júginý tártibin jáne berý tártibin belgileıdi.
Toqtala ketetin jaıt, qazirgi ýaqytta TMD aıasyndaǵy birqatar memleketter Konventsııanyń qatysýshylary bolyp tabylady. Konventsııany qabyldaý TMD memleketteriniń osy saladaǵy tıimdi yntymaqtastyǵyn júzege asyrý úshin qajetti halyqaralyq quqyqtyq negiz qalaıdy jáne májbúrlep emdelýde júrgen adamdardyń qoǵamdaǵy qalypty ómirge oralýyna járdemdesedi.
Konventsııa 1997 jylǵy 28 naýryzda Máskeý qalasynda jasalǵan.
Parlament qabyldaǵan zań Memleket basshysynyń qol qoıýyna joldanady.
