Qoǵamǵa qaýipti psıhıkalyq buzylýshylyqtardan zardap shegetin adamdar májbúrlep emdeýge beriledi - Májilis
ASTANA. 2 qazan. QazAqparat - Búgin Parlament Májilisiniń jalpy otyrysynda palata depýtattary «Psıhıkalyq buzylýshylyqtardan zardap shegetin adamdardy májbúrlep emdeý júrgizý úshin berý týraly konventsııany ratıfıkatsııalaý týraly» zań jobasyn maquldady.
Qujatqa sáıkes, Konventsııaǵa qatysýshy memleketterdiń biriniń esi durys emes kúıde qoǵamǵa qaýipti áreket jasaǵan azamattardy, sonymen qatar, ýaǵdalasýshy taraptyń aýmaǵynda medıtsınalyq sıpattaǵy májbúrleý sharalaryn qoldaný týraly sot sheshimi bar azamattardy emdeýden ótkizý kózdeledi. Sonymen birge, medıtsınalyq sıpattaǵy májbúrleý sharalaryn qoldaný týraly sot sheshimi zańdy kúshine engende, sondaı-aq naýqastyń kelisimi, eger ol óz oıyn erkin bildirýge qabiletsiz bolǵan jaǵdaıda onyń zańdy ókiliniń kelisimi alynǵan adamdardy májbúrlep ótkizý úshin emdeýge berý qarastyrylady.
Bul rette konventsııa adamdardy májbúrlep emdeýden ótkizý úshin júginý tártibin jáne berý tártibin belgileıdi.
Konventsııa 1997 jylǵy 28 naýryzda Máskeý qalasynda jasalǵan.
Májilis maquldaǵan zań jobasy Senatqa joldanady.
QazAqparat, Astana
