Qoǵamdyq uıymdar saılaýdy baqylaıtyn hartııany qoldaıdy
«Bizdiń «Jastarǵa jol» QQ hartııa ıdeıasyn buryn da qoldap kelgen, óıtkeni ol bizdiń elimizge qajet qujat. 10 kún ishinde kóptegen qoǵamdyq uıymdar hartııaǵa qosyldy. Búgin bizdiń áriptester bizdiń shtabqa osy ıdeıany qoldaýǵa keldi. Basqa da qoǵamdyq uıymdardy qosylýǵa shaqyramyz», - deıdi «Jastarǵa jol» qoǵamdyq qorynyń prezıdenti Rafael Hasanov.
Onyń aıtýynsha, búginde shtabta aldaǵy saılaýdy baqylaýǵa qatysatyn 1000-nan astam volonter tirkelgen.
«Olar daıyndyqtan ótti. Endi semınarlar ótkizetin seriktesterimiz olardy shaqyryp taǵy túsindiredi. Saılaý kezinde olardyń arnaıy qoıyn dápterleri bolady. Sondaı-aq zańǵa sáıkes, zań buzýshylyqtardy tirkeıtin akt qaǵazdary bolady. Eger zańbuzýshylqa anyqtalsa saılaý komıssııasy arqyly sotqa beremiz», - dep túsindirdi ol.
«Qundylyq qory» QQ ókili Dýman Núsipaqyn aldaǵy saılaý árbir qazaqstandyq úshin mańyzdy ekenin atap ótti. Ol barlyq azamattardy saılaýǵa belsendi qatysýǵa jáne baqylaýshy bolýǵa shaqyrdy. Onyń aıtýynsha, búginde qorǵa 100-den astam adam jınaldy. Tirkeý 9 qańtarǵa deıin jalǵasady.
Óz kezeginde «Adam jáne qoǵam» QU dırektory Gúlim Tursynbaıqyzy da barlyǵyn uıymǵa kirýge shaqyrady. Búgingi kúni onda 120-dan astam adam tirkelgen.
«Bizdiń mindetimiz- baqylaýshylarymyzdyń barlyq saılaý ýchaskelerinde bolǵanyn qamatamasyz etý. Bizdiń volonter- baqylaýshylar barlyq jerde qatysýy úshin men bar kúsh-jigerimdi salamyn. Búgin Almatyda 507 ashyq saılaý ýchaskesi bar», - dep qosty Rafael Hasanov.
Eske salaıyq, 2021 jyldyń 10 qańtarynda saılaý kúni baqylaýshylar tańǵy 5:00-den 00:00-ge deıin jumys isteıtin bolady.