Qoǵamdyq uıymdar Qazaqstanda ana men balany qorǵaýdyń memlekettik qoryn qurýdy usynyp otyr

ASTANA. 24 qańtar. QazAqparat - Qazaqstanda ana men balany qorǵaýdyń memlekettik qoryn qurý qajet. Krızıstik ortalyqtar odaǵynyń tóraıymy Zúlfııa Baısaqova osyndaı usynys jasap otyr.

Onyń aıtýynsha, atalǵan qordan ata-anasyz qalǵan balalarǵa, sondaı-aq tastandy otbasylarǵa qarjylaı kómek kórsetýge bolady. «Búginde halyqaralyq konventsııaǵa sáıkes, Qazaqstan balalardyń quqyqtaryn qorǵap, olarǵa barlyq jaǵdaı jasaý mindetin óz moınyna aldy. Al qazirgi memlekettik kómektiń mólsheri árbir balaǵa shamamen eki myń teńgeni qurap otyr. Ondaı aqshaǵa balany qalaı asyraýǵa bolady?», - deıdi Z.Baısaqova. Mamannyń pikirinshe, ana men balany qorǵaýdyń memlekettik qoryn qurý arqyly alıment máselesin de sheshýge bolady. Sebebi memleket ony óz moınyna alsa, alıment tólemeı júrgen azamattardy taýyp, olardy óz otbasyna tıisti járdemaqyny tóletýge mindetteı alady.