Qoǵamdyq tyńdaý: Turǵyndar aqyly avtojoldar úshin lımıtsiz abonement engizýdi usyndy

«QazAvtoJol» UK» AQ Taldyqorǵan qalasynda «Qapshaǵaı-Taldyqorǵan» avtomobıl jolynyń ýchaskesinde aqyly júıeni engizý máselesi boıynsha qoǵamdyq tyńdaý ótkizdi. Buǵan deıin mundaı is-sharalar Qapshaǵaı qalasy men Kerbulaq aýdanynda ótken bolatyn. Jaqyn arada tyńdaýlar Almaty oblysynyń Kóksý jáne Eskeldi aýdandarynda da ótedi.

«Nurly jol» ınfraqurylymdy damytýdyń 2020-2025 jyldarǵa arnalǵan memlekettik baǵdarlamasyna sáıkes óńirde «Almaty-Qapshaǵaı» aqyly avtobanynyń jalǵasy bolatyn «Qapshaǵaı-Taldyqorǵan» aqyly avtojolyn iske qosý josparlanýda.

Turǵyndarmen kezdesýde «QazAvtoJol» ókilderi aqyly avtomobıl joldarynyń basty artyqshylyqtaryn atap ótti. Kompanııa mamandary aqyly joldardy engizýmen «Qapshaǵaı-Taldyqorǵan» avtojoly odan da tehnologııalyq, qaýipsiz jáne yńǵaıly bolatynyn atap ótti.

Avtojoldarda aqyly júıeni engizý tájirıbesi álemniń kóptegen elderinde keńinen qoldanylady. Aqyly joldar, ádettegi tas joldan aıyrmashylyǵy, jol tósemi, jol boıyndaǵy ınfraqurylymnyń joǵary sapalyǵymen erekshelenedi.

Ózin-ózi qarjylandyrý qaǵıdatynyń arqasynda jol ýchaskelerinde qaýipsizdiktiń joǵary deńgeıin ustap turatyn: táýlik boıy jol tósemin qoqystan, kirden jáne jaýyn-shashynnan saqtaıdy jáne tazartady, jol jabynynyń, jaryqtandyrý júıeleriniń, jol belgileri men belgileýleriniń aqaýlaryn jedel jóndeıdi. Tótenshe jaǵdaılarda júrgizýshilerge kómektesý, qaýipsizdik júıeleriniń jumysyn baqylaý jáne júrgizýshilerdi habardar etý, sondaı-aq joldaǵy jaǵdaıdy baqylaý jeke servıstik qyzmetterin ustaýǵa múmkindik beredi.

Budan basqa, barlyq aqyly ýchaskelerde jol qozǵalysy qaýipsizdigin qamtamasyz etýdiń jańa quraldary belsendi engizilýde: júrgizýshilerge túngi ýaqytta kómektesetin arnaıy belgiler, jaryq shaǵylystyrǵyshtar jáne katafottar, jaýapty ýchaskelerde jaryqtandyrý jáne úı janýarlarynan qorǵaıtyn qorshaý júıeleri, jol qozǵalysyna qatysýshylardyń trafıgi men jyldamdyǵyn monıtorıngileýdiń smart-júıeleri.

Sondaı-aq, aqyly joldarda táýlik boıy 1403 qysqa nómirli call-ortalyq jumys isteıdi, oǵan júrgizýshiler uıaly nemese statsıonarlyq telefonnan tegin qońyraý shalyp, aqyly avtojoldarǵa qatysty kez kelgen suraqtarǵa jaýap ala alady.

Qoǵamdyq tyńdaýlarda aqyly joldardy engizý jol boıyndaǵy ınfraqurylymdy damytýdy, ıaǵnı demalys oryndary, janar-jaǵarmaı quıý beketteri, qonaqúıler, dámhanalar, sýpermarketter, dárihanalar, jyly dárethanalar jáne t.b. nysandardy salýdy qamtıtyny aıtyldy.

«Qapshaǵaı-Taldyqorǵan» ýchaskesinde turaqty tólem beketteriniń ornyna «ashyq» tólem júıesi qoldanylady. Jol ústinde basy artyq kedergiler men keptelister bolmaıdy degen sóz, ıaǵnı, qosymsha qaýipsizdikti qamtamasyz etedi jáne sapar ýaqytyn qysqartady.

Jol júrý tólemi qolma-qol aqshasyz tásilmen, aldyn ala tólem boıynsha júrgiziletin bolady. Bul da qaýipsizdik saıasatynyń bir bóligi, óıtkeni júrgizýshilerge kólikti basqarýdan alshaqtaýdyń qajeti bolmaıdy. Tóleý úshin avtokóliktiń memlekettik nómirin terý arqyly shotty toltyrýdyń 20-dan astam túri bar. Budan basqa, paıdalanýshylarǵa RFID-belgilerdi paıdalanýǵa shart jasasý usynylady.

Jol boıynda ornalasqan eldi meken turǵyndarynyń múddeleri men quqyqtary da eskerildi. Olarǵa jyldyq abonement boıynsha jeńildikpen jol júrý usynylady. Sondaı-aq, Uly Otan soǵysynyń ardagerleri men olarǵa teńestirilgenderdi, múmkindigi shekteýli azamattardy aqydan bosatý josparlanýda.

Paıdalanýshylarǵa yńǵaıly bolý úshin ulttyq kompanııa «QAJ Mobile» mobıldi qosymshasyn ázirledi. Onyń kómegimen júrgizýshiler óz balansyndaǵy somany bilip, qyzyqtyrǵan suraqtaryn qoıa alady. Sonymen qatar A núktesinen B núktesine deıin marshrýt qurý (qashyqtyq jáne quny), avtojoldar boıyndaǵy barlyq jol boıyndaǵy servıster kórsetilgen ınteraktıvti karta jáne PUSH-habarlama engizý jumystary júrgizilýde.

Almaty oblysy eldi mekenderiniń turǵyndary aqyly júıeni engizý máselesin talqylaý barysynda birqatar eskertý men usynys jasady. Atap aıtqanda, jeńil avtomobıl ıeleri úshin jańa qyzmetti – Qazaqstan Respýblıkasynyń barlyq aýmaǵynda aqyly joldardy paıdalanýǵa jyldyq lımıtsiz abonementti iske qosý jáne oǵan qolaıly baǵa bekitý usynyldy.

Sondaı-aq, oblys ortalyǵynyń turǵyndary ekonomıkalyq damý erekshelikterin eskere otyryp, ár oblys úshin jol júrý aqysynyń saralanǵan mólsherlemesin jeke engizýdi usyndy. Bul megapolıster men aımaq turǵyndarynyń kiristerindegi aıyrmashylyqqa baılanysty aıtylyp otyr.

Jol boıyndaǵy jáne demalys oryndaryndaǵy qoqystardy jınaý sapasynyń tómendigi, kempıngter men jol boıyndaǵy servıs obektilerin paıdalanýǵa berýdiń basymdyǵy, aqyly jol ótetin óńirlerdiń jurtshylyǵy aldynda «QazAvtoJol» ulttyq kompanııasy esep berý tájirıbesin engizý sııaqty máseleler de kóterildi.

Qapshaǵaı men Kerbulaq aýdandarynyń turǵyndary «Qapshaǵaı-Taldyqorǵan» ýchaskesinde jol ınfraqurylymy qurylysyndaǵy kemshilikterdi túzetýdi jáne agroónerkásiptik kásiporyndardyń tehnıkalary úshin tegin jol júrý jáne jergilikti kásipkerler men halyqtyń júk avtomobılderi úshin jeńildikpen jol júrý múmkindigin qaraýdy surady.

Eskertýler men usynystar tıisti sheshimder qabyldaý úshin ulttyq kompanııa basshylyǵyna joldanady.