Qoǵamdyq tártipti qamtamasyz etýge azamattar kóptep tartylýda
ASTANA. Tamyzdyń 5-i. QazAqparat /Danıel Shaıynǵazın/ - «Azamattardyń qoǵamdyq tártipti qamtamasyz etýge qatysýy týraly» Qazaqstan Respýblıkasynyń Zańyn oryndaý úshin ishki ister organdary jergilikti atqarýshy organdarmen birlesip quqyq buzýshylyq profılaktıkasy boıynsha jurtshylyq pen halyqty keńinen tartý jóninde sharalar qabyldanýda, dep habarlaıdy ІІM Ákimshilik polıtsııa komıtetinen.
Qazirgi ýaqytta qoǵamdyq tártipti qamtamasyz etýge 40 myńnan astam adam qatysady. Quqyqtyq tártipke baǵyttalǵan 6 myńnan astam qoǵamdyq uıym tirkelgen.
Búgingi kúni olardyń qatysýymen 1,5 myńǵa jýyq qylmys ashyldy jáne 24 myńnan astam ákimshilik quqyq buzýshylyq anyqtaldy.
Qoǵamdyq tártipti qamtamasyz etýge qatysqan azamattardy yntalandyrý úshin jergilikti atqarýshy organdar 50 mln. teńgeden astam qarjy bóldi.
Qoǵamdyq tártipti qamtamasyz etýge belsene qatysqan 2 myńnan astam marapattarǵa ıe boldy, onyń ishinde gramotamen - 165, alǵyshatpen - 116, baǵaly syılyqtarmen - 40 jáne 15 mln. teńgeden astam somada aqshalaı syıaqylarmen 2 myńǵa jýyq adam marapattaldy.
Qasaqana kisi óltirý qylmysyn ashýǵa yqpal etken aqparat úshin 4 adam 50 myń teńge somaǵa, tonaý, buzaqylyq, bótenniń múlkin urlaý boıynsha- 187 azamat 11 mln. 657 myń teńge somaǵa, onyń ishinde mal urlaý qylmystaryn ashýǵa qatystany úshin - 78 adam 426 myń teńge somaǵa yntalandyryldy.
Zańsyz aınalymdaǵy tirkelmegen qarýlardy tárkilep alýǵa yqpal etken aqparat úshin 18 adam 135 myń teńge somaǵa marapattaldy. Sondaı-aq ákimshilik quqyq buzýshylyqty anyqtaýǵa qatysqan 1,5 myń adam 12 mln. astam teńge somaǵa kótermelendi.
