Qoǵamdyq sanany jańǵyrtý naýqanshyldyqqa aınalmaýy kerek - Anatolıı Bashmakov

ASTANA. QazAqparat - L.N. Gýmılev atyndaǵy Eýrazııa ulttyq ýnıversıtetiniń QHA kafedrasynyń meńgerýshisi, QHA Keńesiniń múshesi, Qoǵamdyq sanany jańǵyrtý jónindegi ulttyq komıssııanyń múshesi Anatolıı Bashmakov «Týǵan jer» jobasy boıynsha atqarylǵan jumystar jaıynda baıandady, dep habarlaıdy QazAqparat.

«Komıssııanyń aıasynda óte mańyzdy pikir alamasý boldy. Bastysy, komıssııa boıynsha áriptesterimmen birge bul kúrdeli jumys tek júıesiz naýqanshyldyqqa  aınalmaýy tıistigin túsinip otyrmyz», - dedi ol.

Osy oraıda sarapshy jeke dúnıetanymdy daıyndyqtan ótkizbeı, kez kezgen jańǵyrtý men reformany júrgizýge bolmaıtyndyǵyn qadap aıtty.

«Meniń oıymsha, Ulttyq komıssııanyń músheleri men osy jumysqa qatysty azamattar bizdiń sanany jańǵyrtý máselelerimen aınalysý qanshalyqty mańyzdy ekenin jete túsinýi qajet», -dedi ol.

Sonymen qatar ǵalym óz sózinde týǵan jerden jalpy Otanǵa degen qarym-qatynas qalyptasatynyn, negizgi maqsatymyz jas qazaqstandyqtardy týǵan jerdi qurmetteýge tárbıeleý, ultyna qaramaı tarıhty qadirleýge shaqyrý ekenin atap ótti.

 «Biz jergilikti jerlerdi araladyq. Men úsh oblysqa saparlap, jergilikti aktıvpen kezdestim. Ázirge, uıymdastyrý jumystary júrip jatyr, qyrkúıekten bastap osy baǵytta belsendi jumystar júzege asyrylady. Bul aýqymdy sharalarǵa beı-jaı qaramaı, ynta-jigermen kiriske abzal. Osy ustanymǵa sáıkes, qajetti mamandardy da irikteý kerek», - dedi ol.