Qoǵamdyq rezonans týdyrǵan Almatydaǵy jol apatynyń tergeý málimetteri qupııa -ІІM
ASTANA. QazAqparat - Qoǵamdyq rezonans týdyrǵan Almatydaǵy jol apatynyń sotqa deıingi tergeý málimetteri jarııa etýge jatpaıdy. Bul týraly QR Іshki ister mınıstrliginen málim etti, dep habarlaıdy QazAqparat.
Esterińizge sal ketsek, 2017 jyldyń 30 shildesinde Almatyda Ál-Farabı-Seıfýllın kósheleri qıylysynda «Mersedes 221» markaly avtokóligi jaıaý júrginshini qaǵyp, bólshektep tastaǵan bolatyn. Keıinen qylmystyq is óndirisin qylmystyq tergeý organy 2017 jyldyń 29 qyrkúıeginde, odan keıin 15 qarshasynda toqtatyp, bul qoǵamda túsinbeýshilik týdyrǵan edi.
Al QR Іshki ister mınıstrliginiń málimetinshe, bul is qaıta óndiriske alynyp otyr.
«Almaty qalasy Bostandyq aýdanynyń prokýratýrasymen odan ary sotqa deıingi tergeý amaldaryn uıymdastyrý úshin qylmystyq isti toqtatý týraly qaýly joıyldy. 2018 jyldyń 3 qańtarynda prokýratýra nusqaýymen jol-kólik apatyn jáne kólik quralyna keshendi sot-medıtsınalyq saraptama taǵaıyndaý týraly qaýly shyǵaryldy. Qazirgi ýaqytta sotqa deıingi tergeý amaldary qaıta jandanyp, qorytyndy protsessýaldy sheshim shyǵarýǵa qajetti tergeý áreketteri júrgizilýde. QR Qylmystyq-protsestik kodeksiniń 201-babyna sáıkes atalǵan sotqa deıingi tergeý amaldary jarııa etýge jatpaıdy», - dep atap ótedi mınıstrlikten.
Vedomstvonyń aqparatyna qaraǵanda, málimetter tergeý múddesine qaıshy kelmese jáne ózge tulǵalardyń quqyqtary men zańdy múddelerin buzbaıtyn bolsa ǵana prokýrordyń ruqsatymen ǵana jarııa etiledi.
