Qoǵamdyq pikirdi zerdeleý, aýdan ákiminiń halyqpen tikeleı aýyldarda, kentter mne qalalarda jeke kezdesýi túrin tańdaý eń tıimdi bolar edi - Ortalyq saılaý komıssııasynyń basshysy
Osy is-sharanyń uıymdastyrýshysy Qazaqstan Respýblıkasy Ortalyq saılaý komıssııasy boldy.
Semınardyń jumysyna qatysý úshin aldaǵy saılaýdy uıymdastyrý men ótkizýge qatysatyn oblystyq, aýdandyq jáne qalalyq aýmaqtyq saılaý komıssııalarynyń tóraǵalary men hatshylary, aýdan ákimderi, oblys ákimi apparatynyń basshysy men qyzmetkerleri, máslıhattardyń hatshylary, Qazaqstan Respýblıkasynyń múddeli memlekettik organdarynyń jáne BAQ-tyń ókilderi shaqyryldy.
Qazaqstan Respýblıkasy Ortalyq saılaý komıssııasynyń Tóraǵasy Q. Turǵanqulov baıandama jasady, ol Ortalyq saılaý komıssııasy júrgizgen jergilikti basqarý organdaryn qurý tásilderiniń halyqaralyq praktıkasyn taldaý nátıjelerine sáıkes búgingi tańda «demokratııalyq damyǵan memleketter ákimshilik taǵaıyndaý, jergilikti basqarý organdarynyń basshylaryn janama nemese týra saılaý rásimin saıasat máselesi retinde qabyldamaıdy, tek jeke alǵanda ákimshilik-aýmaqtyq birlikte nemese eldi mekende demokratııalyq jáne sapaly basqarýdy qamtamasyz etetin menedjerlerdiń bos laýazymdarǵa ornalasý quraly retinde qabyldaıdy» dep qorytyndy jasaýǵa bolatynyn atap kórsetti.
Ortalyq saılaý komıssııasynyń basshysy aldaǵy saılaý naýqany barysynda barlyǵy aýyldyq okrýg quramyna kirmeıtin Qazaqstan Respýblıkasynyń aýdandyq mańyzy bar qalalarynyń, aýyldyq okrýgteriniń, kentteri men aýyldarynyń 2458 ákimi, ıaǵnı eldegi barlyq ákimderdiń jalpy sanynyń 91,5% saılanatynyn atap ótti. Saılaý ótkizýge tikeleı 160 aýdandyq jáne 28 qalalyq aýmaqtyq saılaý komıssııasy qatysady. Olardaǵy saılaý komıssııalary músheleriniń sany 1316 adamdy quraıdy. Saılaý naýqanynda tańdaýshylar retinde 188 máslıhattan 2602 depýtat qatysady. Ákimdikke kandıdattar usynýdy aýdan ákimi jergilikti qoǵamdastyqpen konsýltatsııalardan keıin balama negizde júzege asyrady. Osy konsýltatsııalardy júrgizý tártibi Qaǵıdalarda kórsetilmeıdi.
«Osyǵan baılanysty olardy biryńǵaı ótkizý tásili usynylady. Bul rette, qoǵamdyq pikirdi zerdeleýdiń, aýdan ákiminiń halyqpen tikeleı aýyldarda, kentter mne qalalarda jeke kezdesýi túrin tańdaý eń tıimdi bolady dep esepteımiz.
Aýdan ákimine kandıdattardy usyný quqyǵyn berý aqtaldy, sebebi ol tutastaı aýdan boıynsha jáne árbir ákimshilik qurylym boıynsha isterdiń jaı-kúıi úshin derbes jaýapty bolady. Budan basqa, kandıdattyń oblys aýmaǵynda turýy talaby mańyzdy bolyp otyr, sebebi bul talap ózi jumys isteıtin aýdandaǵy jaǵdaıdy naqty biletin ákimderdi tańdaýdy qamtamasyz etedi» - dedi Ortalyq saılaý komıssııasynyń Tóraǵasy.
Sóziniń sońynda Q. Turǵanqulov qatysýshylardy quqyqtyq jáne saılaý praktıkasy máselelerin, sondaı-aq saılaýdy uıymdastyrý men ótkizýmen tikeleı baılanysty rásimdik kezderdi belsendi túrde jáne syndarly birlesip talqylaýǵa shaqyrdy. Semınardyń jumysy barysynda qatysýshylar Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderin qyzmetke saılaý, ókilettigin toqtatý jáne qyzmetten bosatý qaǵıdalarynyń negizgi erejelerine, sondaı-aq saılaýdy uıymdastyrý men materıaldyq-tehnıkalyq jáne qarjylyq qamtamasyz etýge qatysty aýqymdy máselelerdi qaraýǵa erekshe kóńil bóldi.
Ákimdikke kandıdattardy usyný, tirkeý, olardyń saılaý aldyndaǵy úgitteýdi júrgizýi, tańdaýshylar otyrysyn uıymdastyrýy, daýys berý, daýystardy sanaý jáne saılaý qorytyndylaryn shyǵarý rásimderiniń erekshelikteri aıryqsha talqylandy.
