«Qoǵamdyq pikir» zertteý ınstıtýty Exit-poll-dyń nátıjesin jarııalady
ASTANA. QazAqparat - "Qoǵamdyq pikir" zertteý ınstıtýtynyń atqarýshy dırektory Aıgúl Sádýaqasova Exit-poll-dyń standartty ádistemesi boıynsha júrgizilgen saýalnama nátıjelerin jarııalady.
Onyń aıtýynsha, QR Parlamenti Májilisiniń depýtattaryn saılaý kúni "Qoǵamdyq pikir" zertteý ınstıtýty Exit-poll-dyń standartty ádistemesi boıynsha, saılaý ýchaskesine barǵan saılaýshylar arasynda saýalnama júrgizdi. Olarǵa "Siz qaı partııaǵa daýys berdińiz?" degen bir ǵana saýal qoıyldy.
"Ol elimizdiń 110 saılaý ýchaskesinde júrgizildi. Saılaý ýchaskeleri Ortalyq saılaý komıssııasy usynǵan málimetter negizinde kezdeısoq tańdalynyp alyndy. Bul ádisteme boıynsha, saılaý ýchaskesinen shyqqan árbir besinshi saılaýshydan jaýap alyndy. Saýalnamaǵa barlyǵy 30 myń adam qatysty. Іrikteme qateligi +\- 0,8 paıyzdy qurady. Saýalnama júrgizýge respýblıkanyń barlyq aımaqtarynda 200-ge jýyq ıntervıýerler tartylyp, olar saılaý ýchaskelerinde tańǵy saǵat 07:00-den keshki 20:00-ge deıin jumys istedi", - dedi ol Astanada ótkizgen brıfıng barysynda.
"Sonymen, Exit-poll nátıjesi kelesideı: "Nur Otan" partııasyna - 82,15%, Qazaqstan Kommýnıstik xalyqtyq partııasyna -7,15%, "Aqjol" partııasyna - 7,17%, "Birlik" partııasyna - 0,31%, Jalpyulttyq sotsıal-demokratııalyq partııaǵa - 1,19%, "Aýyl" partııasyna - 2,03% saılaýshy daýys berdi", - dep atap ótti A. Sádýaqasova.
