Qoǵamdyq pikir: Bıll Geıts, Barak Obama jáne V. Pýtın - álemdegi eń tanymal adamdar
ASTANA. 12 qańtar. QazAqparat - Brıtandyq Times gazeti úshin You.Gov gazeti júrgizgen Halyqaralyq qoǵamdyq pikir saýalnamasyna sáıkes Microsoft korporatsııasynyń negizin qalaýshy Bıll Geıts álemdegi eń tanymal adam bolyp tanyldy, dep jazady sheteldik BAQ.
Ekinshi jáne úshinshi orynǵa AQSh jáne Reseı prezıdentteri Barak Obama men Vladımır Pýtın jaıǵasty. Rım papasy Frantsıskke kóbirek búıregi buratyn amerıkandyqtar, oǵan Obamaǵa qaraǵanda, eki ese kóp daýys bergen. Sóıtip tórtinshi oryn Rım papasyna buıyrdy. Qytaıda QHR basshysy Sı Tszınpınge qaraǵanda Bıll Geıtske eki ese kóp daýys bergen. Barlyǵy saýalnamaǵa Brıtanııadan, Frantsııadan, Germanııadan, Reseıden, AQSh-tan, Avstralııadan, Pákistannan, Úndistannan, Indonezııadan, Qytaıdan, Mysyrdan, Nıgerııadan jáne Brazılııadan 14 myńǵa jýyq adam qatysqan. Kompanııanyń derekteri boıynsha, eger saýalnamany bir aı buryn ótkizgen kúnde álemdegi eń bedeldi adamdardyń reıtıngisin Nelson Mandela bastar edi. Merkel - óz ornynda Eń ataqty brıtan saıasatkeri retinde Birikken Koroldiktiń Táýelsiz ońshyldar partııasynyń kóshbasshysy Naıdjel Faradj atandy. Saýalnamaǵa myńdaǵan brıtandyq qatysýshylardyń ekeýi ǵana Devıd Kemerondy eń bedeldi adam dep kórsetken. Al Reseı respondentteriniń kópshiligi Pýtındi sol ataqqa laıyq dep sanaıdy. Saýalnama nátıjesin jarııalaǵan Times gazetiniń jazýy boıynsha, brıtandyqtardyń birde-biri álemdegi bedeldi degen adamdardyń ondyǵyna túspegen, bul halyqtyń saıasatkerlerge degen senimin joǵaltqanyn bildiredi. YouGov saıtynyń basshysy Stıven Shekspır: «Biz Brıtanııada saıasatkerlerge senim artpaımyz. Al Amerıkada kerisinshe - amerıkandyqtar ózderi qoldamaıtyn partııa kóshbasshylaryn jaqtyrmaıdy, tek ózderi daýys beretin saıasatkerlerdi qoldaıdy. Al brıtandyqtardyń jalpy saıasatkerlerge degen kózqarasy tómen». «Germanııada Angela Merkeldi bári jaqsy kóredi. Ol ish pystyratyn, tym salmaqty adam bolyp kóringenmen, nemister ony sol qasıetine bola qurmetteıdi. Olar óz kóshbasshysynyń óte aqyldy da senimdi áıel ekenin biledi. Germanııada bári ony óz ornynda otyrǵan adam dep sanaıdy».
