Qoǵamdyq Palata tabıǵı monopolııalar men retteletin naryqtarǵa qatysty zań jobasyn talqyǵa salady

ANA. Qazannyń 27-si. QazAqparat /Aıdyn Báımen/ - Qazannyń 30-y kúni Májilis Parlament Májilisi janyndaǵy Qoǵamdyq Palatanyń otyrysy ótedi.

Onda «Tabıǵı monopolııalar jáne retteletin naryqtar týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy talqyǵa salynady, dep habarlaıdy QazAqparat.

Bul zań jobasy Qazaqstan Prezıdentiniń 2003 jylǵy  mamyrdyń 17-degi Jarlyǵymen bekitilgen Qazaqstan Respýblıkasynyń Indýstrııalyq-ınnovatsııalyq damýynyń 2003-2015 jyldarǵa arnalǵan strategııasyn oryndaý úshin ázirlengen.

Zań jobasy tabıǵı monopolııalar jáne retteletin naryqtar sýbektilerine qatysty tarıf (baǵa) saıasatyn jetildirýge baǵyttalǵan.

Zań jobasynyń negizgi mindeti sýbektiler qyzmetiniń tıimdiligin arttyrýdy yntalandyrýǵa, sýbektilerdiń aktıvterine kúrdeli (ınvestıtsııalyq) salymdardy ulǵaıtý úshin jaǵdaılar jasaýǵa jáne olardyń ınvestıtsııalyq tartymdylyǵyn kóterýge baǵyttalǵan retteýdiń normatıvtik quqyqtyq bazasyn jetildirý bolyp tabylady.

Qoǵamdyq Palatanyń otyrysyna Májilis depýtattarymen qatar Úkimet pen mınıstrlikterdiń ókilderi jáne kásipkerlik salasy men qoǵamdyq uıymdardyń jetekshileri qatysady.

Qoǵamdyq Palatanyń otyrysy Qazaq Gýmanıtarlyq-zań ýnıversıtetinde ótedi.