Qoǵamdyq Palata otyrysynyń kún tártibinde - zańdy tulǵalardyń qylmystyq jaýapkershiligin engizý máselesi
ANA. 1 maýsym. QazAqparat - 3 maýsym, juma kúni Astanadaǵy L.N.Gýmılev atyndaǵy Eýrazııa ýnıversıtetiniń bas ǵımaratynda QR Parlamenti Májilisiniń janyndaǵy Qoǵamdyq Palatanyń otyrysy ótetini kózdelýde.
Otyrysqa Qoǵamdyq Palatanyń músheleri, Parlament Májilisiniń depýtattary, joǵarǵy oqý oryndarynyń rektorlary, sondaı-aq ǵylymı ortalyqtar men holdıngtiń ókilderi qatysady.
Májilis Tóraǵasynyń orynbasary, Qoǵamdyq Palatanyń tóraǵasy Vladımır Bobrovtyń jetekshilik etýimen ótetin otyrysta «Qazaqstan Respýblıkasynyń keıbir zańnamalyq aktilerine zańdy tulǵalardyń qylmystyq jaýapkershiligin engizý máselesi boıynsha ózgerister msn tolyqtyrýlar engizý týraly» zań jobasynyń kún tártibine shyǵarylatyny qarastyrylýda.
Atalǵan zań jobasy boıynsha Qazaqstan Respýblıkasynyń Ekonomıkalyq jáne sybaılas jemqorlyqpen kúres agenttigi (Qarjy polıtsııasy) tóraǵasynyń orynbasary Andreı Lýkın baıandama jasaıdy.
Qoǵamdyq Palatanyń otyrysynda Qoǵamdyq Palata tóraǵasynyń orynbasary Maqsut Nárikbaev, Májilis depýtaty, atalǵan zań jobasy boıynsha qurylǵan jumys tobynyń jetekshisi Nıkolaı Týretskııdiń sóz sóıleıtini kózdelgen.
Sonymen qatar otyrysta Qoǵamdyq Palatanyń músheleri Altynshash Jaǵanova, Marat Báshimov jáne Orazaly Sábden, sondaı-aq «Atameken» Odaǵy» ulttyq ekonomıkalyq palatasynyń tóraǵasy Azat Perýashev te atalǵan zań jobasy boıynsha óz pikirin ortaǵa salady.
Qoǵamdyq Palata otyrysynyń qorytyndysynda usynymdar qabyldanatyny qarastyrylyp otyr.
