Qoǵamdyq Palata Keńesiniń otyrysy bolyp ótti
ASTANA. Qyrkúıektiń 24-i. QazAqparat - Búgin Parlament úıinde Májilis Tóraǵasynyń orynbasary, Qoǵamdyq Palatanyń tóraǵasy Vladımır Bobrovtyń jetekshilik etýimen QR Parlamenti Májilisi janyndaǵy Qoǵamdyq Palata Keńesiniń otyrysy bolyp ótti, dep habarlaıdy QazAqparat.
Bul otyrysta Májilistiń janyndaǵy Qoǵamdyq Palatanyń tórtinshi parlamenttik sessııaǵa arnalǵan is-sharalar jospary týraly másele qaraldy. Sonyń ishinde Qoǵamdyq Palata músheleriniń usynystary men tolyqtyrýlaryn atalǵan josparǵa engizý jaıly pikir almasyldy.
Sonymen qatar Qoǵamdyq Palatanyń otyrysyn shaqyrý jáne onyń kún tártibin ázirleý máseleleri qaraldy. Osy Palatanyń otyrysy ústimizdegi jyly qazan aıynda ótkiziledi dep kútilýde. Onda eki zań jobasynyń kún tártibine shyǵarylatyny qarastyrylýda. Atap aıtqanda, «Ǵylym týraly» jáne «Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly» zań jobalary qaralatyny kózdelýde.
