Qoǵamdyq Palata birinshi jarty jyldyqta kóshpeli otyrystar men eki dóńgelek ústel ótkizýdi josparlap otyr
ASTANA. Qańtardyń 22-si. QazAqparat - QR Parlamenti Májilisiniń janyndaǵy Qoǵamdyq Palata 2010 jyldyń birinshi jarty jyldyǵynda eki kóshpeli otyrys ótkizýdi josparlap otyr,
dep habarlaıdy QazAqparat.
Májilis Tóraǵasynyń orynbasary, Qoǵamdyq Palatanyń jetekshisi Sergeı Dıachenkonyń aıtýynsha, Almaty qalasynda «Ǵylym týraly» zań jobasyn talqylaý maqsatynda kóshpeli otyrys ótpekshi. Sol sekildi Aqtóbe qalasynda Qazaqstan Respýblıkasynyń ındýstrııalyq-ınnovatsııalyq damýyn zańnamalyq qamtamasyz etý máselesi boıynsha kóshpeli otyrys ótkizý josparlanǵan.
Qoǵamdyq Palata budan basqa eki dóńgelek ústel ótkizýdi kózdep otyr. Atap aıtqanda, eldiń ekologııalyq qaýipsizdigin qamtamasyz etý jáne ózin-ózi jumyspen qamtyǵan halyqtyń qyzmetin baǵalaý máselelerine arnalmaq.
