Qoǵamdyq palata baǵa saıasatyn jetildirýge qatysty zań jobasyn talqylaýda

annyń 30-y. QazAqparat /Qanat Mámetqazyuly/  - Búgin elordada QR Parlamenti Májilisi janyndaǵy Qoǵamdyq palatanyń kezekti 14-shi otyrysy bolyp ótti.

Basqosýda palata músheleri «Tabıǵı monopolııalar jáne retteletin naryqtar týraly» zań jobasyn talqylady, dep habarlaıdy QazAqparat.

Atalǵan zań jobasy QR Prezıdentiniń Jarlyǵymen bekitilgen Indýstrııalyq-ınnovatsııalyq damýdyń 2003-2015 jyldarǵa arnalǵan strategııasyn oryndaý maqsatynda ázirlengen. Sonymen birge, Memleket basshysy osy zań jobasyn basym tártippen ári jedel qaraý týraly tapsyrma júktegen bolatyn. «Elbasynyń joldaýynda energııany únemdeý jáne kommýnaldyq nysandar jáne sýmen qamtamasyz etý jelilerin qaıta jóndep, jańǵyrtýdy memleketimizdiń basym baǵyttarynyń biri retinde atap kórsetilgen bolatyn. Joldaý júktegen osy mindetti júzege asyrý úshin Úkimet arnaıy zań jobasyn ázirlep, Parlamentke usyndy. Bul zań jobasy tabıǵı monopolııalar jáne retteletin naryqtar sýbektilerine qatysty ıkemdi tarıf, baǵa saıasatyn jetildirýge baǵyttalyp otyr. Árıne, kommýnaldyq qyzmet boıynsha tarıfterdi ózgertý elimizdegi kóptegen azamattardy alańdatatyn másele ekeni ras. Sondyqtan da, monopolııalar men tarıfti retteýdiń jańa tetigi jan jaqty tıimdiligin kórsetýi kerek. Jalpy bul saladaǵy óndirýshi, tasymaldaýshy, tutynýshy jáne ýákiletti organ arasynda ashyq pikir alańynyń oryn alýy problemalardyń da oń sheshimin tabýyna septigin tıgizetini aıqyn. Sonymen birge, tarıftik saıasat ınflıatsııalyq úderisterdi tejep, tutynýshylardy elektrmen qamtamasyz etýdegi senimdilikti arttyra túsedi.  ıAǵnı, bir jaǵynan baǵa saıasaty anyq áleýmettik sıpat alsa, ekinshi jaǵynan bul rette tasymaldaýshylar men óndirýshilerdiń de ekonomıkalyq qyzyǵýshylyǵyn esten shyǵarmaý mańyzdy», dedi jıyndy ashyp sóz sóılegen Qoǵamdyq palata tóraǵasy Sergeı Dıachenko.

Esterińizge sala keteıik, atalǵan zań jobasynyń negizgi mindeti sýbektiler qyzmetiniń tıimdiligin arttyrýdy yntalandyrýǵa, sýbektilerdiń aktıvterine kúrdeli ınvestıtsııalyq salymdardy ulǵaıtý úshin jaǵdaılar jasaýǵa baǵyttalady.

Qoǵamdyq palatanyń jıyny barysynda Májilistiń talqylaýyna shyǵarylǵan osy zań jobasyna qatysty birqatar usynystar ázirleý kózdeledi.