Qoǵamdyq oryndarda temeki shekken 4 myńnan astam qazaqstandyqqa aıyppul salyndy
NUR-SULTAN. QazAqparat – Bıylǵy jyldyń basynan beri elimizdiń kólik polıtseıleri túrli ákimshilik quqyq buzýshylyqtar úshin 54 043 quqyq buzýshyny ákimshilik jaýapkershilikke tartty, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
Olardyń 4039- y jekelegen qoǵamdyq oryndarda temeki ónimderin tutynýǵa tyıym salýdy buzǵan.
Máselen, aǵymdaǵy jyldyń 18 jeltoqsanynda kólik polıtseıleri «Almaty-Qostanaı» baǵytyndaǵy jolaýshylar poıyzynda, ıaǵnı jekelegen qoǵamdyq oryndarda temeki shekken eki er adamdy ustady.
Tekserý barysynda, quqyqbuzýshylardyń 1990 jáne 1992 jyly týylǵan Almaty qalasy men Qostanaı qalasynyń turǵyndary ekeni anyqtaldy.
Olarǵa qatysty QR ÁQBtK 441-babynyń 1-bóligi boıynsha ákimshilik hattama toltyrylyp (jekelegen qoǵamdyq oryndarda temeki ónimderin tutynýǵa tyıym salýdy buzý), árqaısysyna 7575 teńge kóleminde 3 AEK aıyppul túrinde ákimshilik jaza qoldanyldy.
