Qoǵamdyq oryndarda temeki shekken 3 myńǵa jýyq adam 55 mln teńge aıyppul tóledi - Kóliktegi ІІD

ASTANA. QazAqparat - Jyl basynan beri kólik polıtseıleri qoǵamdyq oryndarda temeki shekkeni úshin 2 700-den asa adamǵa 55 mıllıon teńgeden astam aıyppul saldy, dep habarlady Kóliktegi ІІD baspasóz qyzmetinen.

Kóliktegi ishki ister departamentiniń ákimshilik polıtsııa basqarmasynyń jáne onyń qurylymdyq bólinisteriniń qyzmetkerleri elimizdiń temirjol vokzaldary men áýejaılarynda quqyq buzýshylyqtardyń jolyn kesý boıynsha kúndelikti reıdtik sharalar ótkizedi.

«2016 jyl basynan beri Kóliktegi ІІD qyzmet kórsetý aýmaǵynda temeki shegýge tyıym salynǵan jerde zańdy buzǵan 2713 adamdy ákimshilik jaýapkershilikke tartyp, olarǵa jalpy somasy 55 577 574 teńge aıyppul saldy»,- deıdi Kóliktegi ІІD bastyǵynyń orynbasary Talǵat Ótetileýov.

Eske sala keteıik, Qazaqstan Respýblıkasynyń «Densaýlyq saqtaý júıesi jáne halyqtyń densaýlyǵy týraly» zańyna sáıkes, áýe kóliginiń bortynda, áýejaılar men temir jol vokzaldary ǵımarattarynda temeki ónimderin paıdalanýǵa tyıym salynǵan.

Alaıda, zańmen belgilengen tyıymǵa qaramastan, Astana jáne Almaty qalalarynyń halyqaralyq áýejaılarynda atalǵan tyıymdy tek qana Qazaqstan Respýblıkasynyń azamattary ǵana emes, sonymen qatar sheteldikter de buzady. Aǵymdaǵy jyldyń esepti kezeńi ishinde Astana men Almaty qalasy áýejaılarynda temeki shekkeni úshin 58 adam ákimshilik jaýapkershilikke tartyldy.