Qoǵamdyq oryndarda shylym shekken 3 myńnan asa adam jazaǵa tartyldy - Kóliktegi ІІD
ASTANA. QazAqparat - Aǵymdaǵy jyly Kóliktegi ІІ departamenti men onyń jelilik bólinisterindegi qyzmetkerler QRÁQtK-niń 336-baby 1-tarmaǵyna sáıkes, 3 108 quqyqbuzýshyǵa ákimshilik jaza qoldanǵan.
Bul týraly Departament bastyǵynyń orynbasary polıtsııa polkovnıgi Talǵat Ótetileýov málim etti.
Sondaı-aq, ákimshilik jaýapkershilikke tartylǵandardyń 1639-y QR ÁQtK-niń 330-baby boıynsha, ıaǵnı, usaq buzaqylyq jasaǵandar.
«Usaq buzaqylyq, ıaǵnı qoǵamdyq oryndarda bylapyt sóıleý, jeke tulǵalardy qorlap tıisý, turǵyn jaılardy qorlaý, ortaq paıdalaný oryndaryn, saıabaqtardy, skverlerdi lastaý, onyń ishinde belgilenbegen oryndarda kommýnaldyq qaldyqtardy shyǵarý jáne qoǵamdyq tártipti jáne jeke tulǵalardyń tynyshtyǵyn buzatyn, tóńiregindegilerdi syılamaýshylyqty bildiretin basqa da osyndaı is-áreketter, aılyq eseptik kórsetkishtiń úshten onǵa deıingi mólsherinde aıyppul salýǵa ne on táýlikke deıingi merzimge ákimshilik qamaýǵa alýǵa soqtyrady», dep habarlady Kóliktegi ІІ departamentiniń baspasóz qyzmetinen.
