Qoǵamdyq oryndarda mas júrgen myńǵa tarta atyraýlyq jaýapkershilikke tartyldy
ATYRAÝ. QazAqparat – Atyraýda 1723 adam qoǵamdyq orynda mas júrgen, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, jyl basynan beri 1 723 adam qoǵamdyq orynda mas júrgeni úshin jaýapkershilikke tartylǵan.
«Máselen, 9 shildede saǵat 02:08 shamasynda 102 operatoryna Atyraý qalasyndaǵy S.Datov kóshesinde ornalasqan balalar alańynda er adamdardyń ishimdik iship otyrǵany týraly habar tústi. Patrýldik polıtsııa qyzmetkerleri sol jerde ishimdik ishken 4 er adamdy medıtsınalyq kýálandyrý ortalyǵyna jetkizdi. Saraptamanyń qorytyndysymen 24, 25, 26 jastaǵy jigitterdiń orta dárejedegi mas kúıde bolǵany anyqtaldy» -dep habarlady departamenttiń baspasóz qyzmeti.
Alkogoldik ishimdik ishkenderge QR Ákimshilik quqyqbuzýshylyq týraly Kodeksiniń 440-babynyń 1-bólimimen (Alkogoldik ishimdikterdi ishý nemese qoǵamdyq oryndarǵa masań kúıde kelý) ákimshilik hattamalar toltyrylyp, árqaısysyna 7 292 teńge kóleminde aıyppul salyndy.
Eske sala ketelik, buǵan deıin Atyraýda balalarynyń kózinshe ishimdik ishken áıeldiń quqyǵy shektelgenin jazǵan bolatynbyz.
