Qoǵamdyq orynda jasóspirimdi balaǵattaǵan astanalyq áıel aıyppul tóleıdi
ASTANA. QazAqparat - Qoǵamdyq orynda kámelettik jasqa tolmaǵan balany balaǵattaǵany úshin astanalyq áıel 12 myń teńge aıyppul tóleıtin boldy, dep habarlaıdy QazAqparat Astana qalalyq sotynyń baspasóz qyzmetine silteme jasap.
Sotta anyqtalǵandaı, 2018 jyldyń 9 aqpany kúni kópshilik orynda bolǵan azamatsha K. jasóspirim I.-diń ar-namysyna nuqsan keltiretin sózder aıtqan.
«Azamatsha K. óz áreketimen qoǵamdyq tártipti jáne jeke tulǵalardyń tynyshtyǵyn buzdy», - delingen sot aqparatynda.
Sotta áıel kinásyn tolyq moıyndap, óz isine ókindi.
«Astana qalalyq mamandandyrylǵan aýdanaralyq ákimshilik sotynyń úkimimen Ákimshilik quqyqbuzýshylyq týraly kodekstiń 434-baby 1-tarmaǵy boıynsha ákimshilik jaýapkershilikke tartyldy jáne 5 AEK kóleminde aıyppul tóleýge mindetteldi. Úkim zańdy kúshine engen joq», - dedi baspasóz qyzmetinen.
