Qoǵamdyq qurylymdardyń 1 665 ókili elordadaǵy qaýipsizdiktiń saqtalýyna óz úlesterin qosýda - M.Demeýov
ASTANA. Qańtardyń 19-y. QazAqparat /Marlan Jıembaı/ - Qoǵamdyq qurylymdardyń 1 665 ókili elordadaǵy qaýipsizdiktiń saqtalýyna óz úlesterin qosýda.
Bul týraly búgin qalalyq ishki ister departamentinde QR ishki ister vıtse-mınıstri Amantaı Áýbákirovtyń qatysýymen ótken 2009 jyldyń qorytyndy keńesinde vedomstvo basshysy Marat Demeýov bildirdi.
«Qazirgi ýaqytta elordadaǵy qoǵamdyq qaýipsizdiktiń saqtalýyna 563 adamnan turatyn «konserj qyzmeti», 11 joǵary oqý oryndarynyń 352 stýdentinen qurylǵan 32 jedel jasaq, 25 polıtsııa bóliminiń janynan qurylyp, ishki ister organdarynyń 75 ardageri múshe Qoǵamdyq keńes, sondaı-aq memlekettik emes kúzet qyzmetiniń 305 qyzmetkeri óz úlesterin qosýda», deıdi M.Demeýov.
Onyń aıtýynsha, Іshki ister departamentiniń usynysymen Astana qalalyq eńbekpen qamtý jáne áleýmettik baǵdarlamalar basqarmasynda esepte turǵan 120 jumyssyz azamat qoǵamdyq tártipti kúzetýge tartylǵan.
«2009 jyldyń 12 aıynda qoǵamdyq qurylym ókilderiniń qatysýymen 327 qylmys ashylyp, 5 782 adam ár túrli quqyq buzǵandyǵy úshin ustaldy», dedi óz sózinde departament basshysy.
