Qoǵamdyq komıssııanyń myńnan astam baıqaýshysy ShQO-daǵy daýys berý barysyn baqylady
ASTANA. QazAqparat - QR Saılaýdy baqylaý jónindegi respýblıkalyq qoǵamdyq komıssııanyń myńnan astam baıqaýshylary Shyǵys Qazaqstan oblysyndaǵy daýys berý úderisine baǵa berdi.
«Shyǵys Qazaqstan oblysynda daýys berý úderisin jarııalaý men monıtorıngin QR Saılaýdy baqylaý jónindegi respýblıkalyq qoǵamdyq komıssııanyń 1 005 táýelsiz baıqaýshylary qamtamasyz etti.
Bul rette 20 naýryzda ótken saılaýdy táýelsiz baıqaýshylar oń baǵalap, saılaýdyń qorytyndysy Qazaqstan demokratııasynyń jeńisin kezekti ret kórsetkenin atap ótti», - dedi búgin Ortalyq kommýnıkatsııalar qyzmetinde ótken brıfıngte ShQO boıynsha saılaýdy baqylaý jónindegi óńirlik járdemdesý ortalyǵynyń jetekshisi Lıýdmıla Geıtsman.
Onyń sózine qaraǵanda, saılaý kúninde táýelsiz baıqaýshylar birde-bir eleýli zań buzýshylyqty anyqtamaǵanyn atap ótti. Al saılaýaldy nasıhat barysynda barlyq saıası partııalar men kandıdattarǵa teń múmkindik jasaldy.
«Saılaý barysynda ShQO-da halyqtyń daýys berý belsendigi joǵary boldy. Búgin oblystyq saılaý komıssııasy málimdegen kórsetkishterge sáıkes, saılaýǵa halyqtyń 82 paıyzdan astamy qatysty»,-dedi L. Geıtsman.
