Qoǵamdyq komıssııa saılaý ýchaskeleriniń daıyndyǵyn tekserýge kiristi

Atap aıtqanda, búgin atalǵan komıssııanyń Astana qalalyq fılıalynyń tóraıymy Tamara Lavrınenko «Jastar» teatrynda ornalasqan №131 jáne №137 saılaý ýchaskelerinde boldy. «Búgin baıqaýshylardy saılaýdy baqylaýǵa daıyndaýdyń sońǵy semınary ótkizildi. Osyǵan oraı Saılaýdy baqylaý jónindegi respýblıkalyq komıssııanyń músheleri bólinip, qaladaǵy saılaý ýchaskeleriniń daýys berý kúnine daıyndyǵyn tekserýge kiristi. Jalpy, saıası naýqanǵa daıyndyq jaqsy. Degenmen, keıbirinde arnaıy kabınalar men daýys berýge arnalǵan jáshikter ornatylmaǵan. Olar osy senbi kúni tolyǵymen ornatylatyn bolady. Barlyq saılaý ýchakelerinde bizdiń qoǵamdyq komıssııalardyń baıqaýshylary jumys isteıdi», - dedi ol.