Qoǵamdyq kólikti mas kúıinde júrgizýge jol bergeni úshin 21 laýazym ıesi jaýapqa tartyldy
ASTANA. Maýsymnyń 16-sy. QazAqparat /Aıdar Ospanalıev/ - Іshki ister mınıstrligi qoǵamdyq kólikter tarapynan jol erejesin buzý áreketterin anyqtaý maqsatynda maýsymnyń 7-si men 11-i aralyǵynda «Avtobýs» saýyqtyrý sharasyn uıymdastyrdy. Atalmysh shara barysynda 12 myń jolda júrý erejesin buzý áreketi anyqtaldy,
dep habarlaıdy QazAqparat.
Іshki ister mınıstrliginiń Jol polıtsııasy komıtetiniń tóraǵasy Qaırat Tynybekovtyń aıtýynsha, atalmysh áreketterdiń 1 myń 148-i jyldamdyqty arttyrýǵa, 445-i avtobýstarǵa zańsyz qurylǵylar ornatýǵa, 1 myń 332-si ýaqytynda tehnıkalyq tekserýden ótpeýge,
523-i baǵdarshamnyń tyıym salý belgisine ótip ketý áreketine, 1 myń 114-i avtobýsty tıisti qujattarsyz júrgizýge, 46-sy qoǵamdyq kólikti mas kúıinde júrgizýge qatysty bolyp otyr. «Shara barysynda jol polıtsııasy qyzmetkerleri kóptegen reıd jumystaryn júrgizgen. «Sondaı-aq kóliktik baqylaý organdarymen birlesken sharalar barysynda jolaýshylar men júkti tasymaldaý erejelerin buzýǵa qatysty 183 áreket, júrgizýshilerdiń demalys merzimin buzýǵa qatysty 82 jaǵdaı, arnaıy tekserýden ótpegen kólikterdi júrgizýdiń 136 faktisi anyqtaldy. Al qoǵamdyq kólikti mas kúıinde júrgizý áreketine jol bergeni úshin 21 laýazym ıesi jaýapqa tartyldy», dedi komıtet tóraǵasy.
