Qoǵamdyq kólikter qashan júre bastaıdy - Bas sanıtarlyq dáriger qaýlysy
NUR-SULTAN. QazAqparat - Óńirlerde COVID-19-ben syrqattanýdyń ósýi 7 kún ishinde 7 paıyzdan aspaıtyn deńgeıge jetken jaǵdaıda qoǵamdyq kóliktiń jumysy qaıta bastalady. Bul jaıynda QR Bas sanıtarlyq dárigeri Aıjan Esmaǵambetova qol qoıǵan el halqyn koronavırýs ınfektsııasynan qorǵaý sharalaryn odan ary kúsheıtý týraly qaýlysynda aıtylǵan, dep habarlaıdy QazAqparat tilshisi.
«Oblystardyń, Almaty, Nur-Sultan, Shymkent qalalarynyń ákimderi, Qazaqstan Respýblıkasy Indýstrııa jáne ınfraqurylymdyq damý mınıstrligi óńirlerde COVID-19 syrqattanýshylyǵynyń ósýi 7 kún ishinde 7 paıyzdan aspaıtyn deńgeıge jetken jaǵdaıda kúsheıtilgen sanıtarııalyq-dezınfektsııalyq rejımdi jáne Kóliktegi bas memlekettik sanıtarııalyq dáriger belgilegen qosymsha talaptardy mindetti túrde saqtaı otyryp, Qazaqstan Respýblıkasynyń óńirleri (avıareıster) arasynda kirýge/shyǵýǵa ruqsat berýdi, osy qaýlyǵa 15-qosymshaǵa sáıkes kúsheıtilgen sanıtarııalyq-dezınfektsııalyq rejımdi jáne qosymsha talaptardy saqtaı otyryp, shekteýlermen qoǵamdyq kóliktiń jumysyn qaıta bastaýdy qamtamasyz etsin», - delingen qaýlyda.
