Qoǵamdyq kóliktegi dıfferentsıaldy tarıf: Tasymaldaýshylardyń kirisi artty
ASTANA. QazAqparat - Komıssııa birneshe avtobýs parkin tekserip, avtobýstardyń jaı-kúıimen tanysty. Sondaı-aq tasymaldaýshylardyń máselelerin tyńdady, dep habarlaıdy elorda ákimdiginiń resmı saıty.
Búgin qalanyń qoǵamdyq kóliginiń marshrýttyq jelisi 86 baǵytty qamtıdy: 61 qala, 7 ekspress, 18 qala mańy. Olar 844 avtobýspen qamtamasyz etilgen (735 avtobýs qalalyq baǵyttar boıynsha, 47 ekspress, qala mańy boıynsha 62 avtobýs). Kúndelikti jolaýshylar tasymaly aınalymy 700 myńnan astam. Bul baǵyttar 8 avtobýs parkine qyzmet kórsetedi, onyń ishinde 1 kommýnaldyq jáne 1 158 avtobýsy bar 7 jeke avtobýs parki.
«Qoǵamdyq kóliktiń dıfferentsıaldy tarıfin engizýmen tasymaldaýshylardyń resmı kirisi orta eseppen 30 %-ǵa artty» dep habarlady, bul olarǵa júrgizýshilerdi resmı túrde jumyspen qamtýǵa jáne shuǵyl qajet qosalqy bólshekter men komponentterdi satyp alýǵa múmkindik beredi», - dedi «Astana LRT» JShS basqarmasynyń tóraǵasy Bekmyrza Igenberdınov .
Alaıda, avtopark ókilderiniń aıtýynsha, olarǵa áli de qarajat jetkiliksiz. Tasymaldaýshylar avtobýs tehnıkasynyń úzdiksiz jumysyn qamtamasyz etý jáne júrgizýshilerdiń sanyn kóbeıtý úshin sýbsıdııalar kólemin ulǵaıtý máselesin kóterdi.
Qalalyq ákimdik barlyq avtobýs parki basshylarynyń máselelerin tyńdap, ákimdiktiń senimi turǵyndar tarapynan avtopark jumysyna beriletin baǵaǵa baılanysty ekenin eske saldy.
Sondaı-aq, tómendegideı statıstıkamen bólisti. iKomek jedel áreket etý ortalyǵynyń málimeti boıynsha, eki aıda qoǵamdyq kólik qyzmetteriniń sapasy nasharlyǵy boıynsha 7721 shaǵym jáne kólik qyzmetterin jaqsartý boıynsha 623 usynys tústi. Ortasha alǵanda, kún saıyn qoǵamdyq kólikterge qatysty 112 qońyraý qabyldanady. (Árbir shaǵym tolyq zerttelip, kináliler jaýapqa tartylady).
Jyldyń basynan bastap, qyzmet sapasyna kúndelikti monıtorıng júrgizý barysynda avtobýs júrgizýshilerine qatysty 15 723 buzýshylyq anyqtaldy. Osy buzýshylyqtar nátıjesinde tasymaldaýshylarǵa jalpy somasy 45 494 135 teńge aıyppul salyndy.
Kólik quraldarynyń tehnıkalyq jaǵdaıy men paıdalanylýyna jaýapty 40 laýazymdy tulǵaǵa qatysty Ákimshilik quqyq buzýshylyq týraly kodeksiniń 617-babyna sáıkes jalpy somasy 1 201 250 teńge bolatyn ákimshilik is qozǵaldy.
«Sizder aqsha suraısyzdar. Dıfferentsıaldy tarıf engizilgennen keıin, sizderdiń resmı kiristerińiz 30 %-ǵa artty. Biraq birde bireýińiz shyǵyndardy ońtaılandyrý jáne jumys tıimdiligin arttyrý týraly jaq ashqan joqsyzdar. Sizder barlyq máselelerdi sýbsıdııalaý esebinen sheshýge tyrysyp, biraq kásiporynnyń «ekonomıkasyn» qaıta qarastyrmaısyzdar. Bulaı bolmaıdy!», - dedi Astana qalasynyń ákimi Baqyt Sultanov.
«Biz sýbsıdııalaý máselesine qatań qaraıtyn bolamyz. Sebebi, sýbsıdııalar kemshin tustardy túzetýge ǵana emes, sonymen birge kásiporynnyń tıimdiligin arttyrý quraly retinde qyzmet etedi», - dedi qala ákimi.
B. Sultanovtyń tapsyrmasy boıynsha ákimdik janynda qoǵamdyq kólik kásiporyndarynyń jumysyn arttyrý jáne olardyń shyǵyndaryn ońtaılandyrý maqsatynda arnaıy jumys toby quryldy.
