Qoǵamdyq kólik: Almatyda jaýapsyz tasymaldaýshy naryqtan ketti
ALMATY. Qazaqparat - Almatyda «Tegis trans» tasymaldaýshysy Almaty jolaýshylar tasymaly naryǵynan ketti. Mundaı sheshim Almaty qalasynyń jolaýshylar kóligi jáne avtomobıl joldary basqarmasy janyndaǵy kólik ınfraqurylymyn damytý jónindegi jumys tobynyń otyrysynda qabyldandy, dep habarlaıdy Qazaqparat tilshisi.
„Tasymaldaýshy qyzmet kórsetiletin reısterdiń normatıvtik turaqtylyǵyn qamtamasyz etýge mindetti. Bizdiń málimetter boıynsha, „Tegis-trans" kólikteriniń júrý turaqtylyǵy buzylǵan. Qala boıynsha shamamen 40-50% normadan, al keıde 30%-ǵa deıin tómendeıdi. ıAǵnı, kózdelgen 10 jyljymaly quramnyń ishinen reıske eń jaqsy jaǵdaıda 4-5 avtobýs shyǵady. Sonymen qatar olar paıdalanǵan avtobýstar óte tozǵan jáne berilgen ýakytta jańartylyp jetkizilmegen. Qazir kólik qyzmetteriniń deńgeıin arttyrý maqsatynda belsendi sharalar qabyldanýda, eń aldymen, biz reıster turaqtylyǵynyń normalaryn saqtamaıtyn tasymaldaýshylarmen jumysty budan ári toqtatatyn bolamyz", - dedi Jolaýshylar kóligi jáne avtomobıl joldary basqarmasy bastyǵynyń orynbasary Erlan Ádilov. 
Esterińizge sala ketsek, „Tegis trans" kompanııasy nómir 71 qoǵamdyq kólik marshrýtyna qyzmet kórsetedi. Osy baǵyt, búgingi kúni "Almaty elektrotrans" tasymaldaýshysyna tapsyrylyp, 71 marshrýtqa 12 metrlik jaıly LıAZ avtobýstary berildi.
